滴水觀音 (姑婆芋) 請指教

我屋企有盆滴水觀音, 係主體旁分別出左新葉, 但啲新葉葉冠未開就開始枯...呢張相已經見到葉邊開始枯黃.


隔左幾日就成支枯左. 但旁邊又開始有新葉出. 但呢次新葉既葉冠就成功開到, 但滴水情況太勁, 新葉葉邊又開始枯枯地. 唔係係咪畀佢出既水醃死??  呢個情況已經出現左 2 次, 想知究竟發生咩事.





仲有啲花都係咁, 上面部份枯黃, 但下半部又唔枯. 之前呢到有幾日好突然好凍, 可能得幾度, 我就以為佢凍親先係咁, 但呢排已然暖番, 但呢一支花都係開始發黃. 有冇人知發生咩事, 指教一下.


我有依指示淋水, 露台向東, 都應該夠日光, 但直曬時間唔係好長.
天氣暖左佢就開始滴水. 新葉出水情況就比較多.
唔知有冇人知究竟發生咩問題, 同埋點種先種得好呢 ?

新葉葉冠未開就開始枯係咪唔夠濕度？D花好正常喎，唔係黃綠色咩？

我見到未開葉冠既葉係咁出水, 好似被水醃爛咁..
花正常好似都係綠色, 依家睇到花個張相黃色個部份其實已經枯埋謝左, 但下面又冇事, 仲好實, 唔知仲咩事

通常植物的傷口會滴水, 好像動物流血, 所以建議你小心檢查是否有蟲蛀, 滴水位置是否有被咬過的痕跡?
見你的盆面有很多雜草, 可能有些蟲藏身裡面, 晚間出來開餐, 尤其是第一片夭折的葉子, 可能給蟲咬過, 傷口染菌而腐爛.
我種的植物都有這情況, 看上去好好的, 但仔細看, 草內有些蝸牛, 坭土內又有蠶蛾幼蟲.
所以現在我久不久都要清除雜草, 你試試是否有效?
如果不想拔清雜草, 可以點個蚊香來驅蟲的. 但蝸牛不怕蚊香!
希望幫到你

但呢盆嘢既特性係會滴水, 所以先有滴水觀音呢個名啵.....

是不是每片葉都會滴水?

係, 每片都有, 而且莖都會滴, 但新葉會最多

[

[ 本帖最後由 ericalau 於 2008-5-29 17:41 編輯 ]

原來這是它的特性, 不一定是蟲蛀, 但仍有機會是給蟲咬而感染細菌腐敗,
故此檢查及除去雜草等仍有需要, 另外以蚊香驅蟲試試無妨.

雨林植物會滴水好正常....我棵cuprea都會

我係想知點解啲葉同花會枯.....

好喇~~ 大家都討論得唔少喇。

葉長不大同枯，因為根有問題，明顯個盆太細，只夠大的生長，旁邊長出黎棵細嘅，就供應唔夠，自然枯死。除非你翻盆切咗棵細出黎另栽，或者，換個大盆同換泥。

有足夠的空間和營養，花自然開得好。不過天南星科植物一般仲夏，溫度穩定才開花，所以現在香港天氣反常，5月都唔係咁熱，可能要6月先花多和靚。

滴水觀音係雨林植物，唔使好多太阳，你擺個位應該夠光。葉出水係植物排水的方法，跟你種植無關，但應注意澆水。是否澆水太多？ 有人認為日夜溫差大都會使植物葉上結集露水，你的滴水觀音應該唔係哩個情況。

唔該晒大家...

我唔係係香港架...呢到呢排 朝早12度到, 中午就 25 - 28度到.
個盆咁睇細唔細呀? .因為岩岩先由花舖送黎一個月都冇 (係人送既)... ,


因為另一邊既新葉打直生, 出既水好快就可以滴走, 所以冇事. 初初平生個塊, 出既水就難走啲, 所以有一邊濕得滯, 好似醃爛左咁.....不過我諗應該係水多得滯...



但啲花就唔知關唔關水多得滯事...花芯未出就開始黃同枯...唔通呢到溫差大?


[ 本帖最後由 ericalau 於 2008-5-31 22:53 編輯 ]

你係韓國？ 果度真係唔係咁啱 熱帶雨林植物生長。
如果晚上只有 20度以下，我勸你把它搬回室內！
對天南星科來講，18度以下是偏低了。

呢到多人都會種呢棵嘢..不過又真係好似係室內咁....
睇黎真係要搬入屋..but 好阻地方呀.....
唔該晒~~~~

仲想問下, 如果想 切咗棵細出黎另栽, 由邊到開始切呀??
棵嘢生得好好快, 已經爆左好多新葉出黎

原帖由 ericalau 於 2008-6-1 07:35 發表
呢到多人都會種呢棵嘢..不過又真係好似係室內咁....
睇黎真係要搬入屋..but 好阻地方呀.....
唔該晒~~~~

如果晚上 有 20度以上，咪唔使搬入屋咯！
你個盆面 种滿了小草，都唔能夠 挖開d泥，切唔到。
切要有莖和少少根，如果冇根，要小心养到出根，才入土。
切口要乾少少先入土(切完等2-3小時都ok)，而且要keep住20度以上，冷係插苗的大敵。

原帖由 ericalau 於 2008-6-1 12:06 發表
仲想問下, 如果想 切咗棵細出黎另栽, 由邊到開始切呀??
棵嘢生得好好快, 已經爆左好多新葉出黎

都話佢係 熱帶雨林植物，天氣回暖，自然生得快。
想開花，施吓 磷鉀肥喇。

原來咁難架....睇黎我都係搞唔掂嘞