求救,有無C兄C姐識種鬱金香

好似有D畀人呃左咁
早排行街見到有鬱金香球根賣,未種過諗住買2,3個試下啦,個店主問我要幾個同咩色,咁我就話唔識種喎,可以教我嗎?
店主就話"你買左就教你啦",當然呢D都係人之常情,人地做生意架嘛
咁我就買4個試下啦
我畀完錢佢就講左3句"返去雪45日,之後拎出嚟種盆,夠凍就開花架喇"
之後我就問左幾句,4個約要幾大個盆種,藏泥幾深,泥蓋球根幾多,泥要咩濕度,咩時候施肥
佢指住一個6-7吋盆話呢D可以種晒4個架喇,泥過球根面,夠凍就開
激死人,我都話明唔識種,佢同無講有咩分別
E家我雪左幾舊野差不多40日喇,唔知點種好,請大家教教我啦

以我所知，種鬱金香基本上與風信子的種植及處理差不多，分別在於鬱金香對溫度及環境更敏感及嚴格。

選盆方面，因為香港氣候與原產地差太遠，一般無控溫溫室情況下，只會種來開一次花，球根好難再養肥下年再用，所以你可以選擇一個5-6吋深的盆，盆的直徑大小就因應球根大小，球根與球根之間隔一個球根的空位+球根與盆邊隔1吋左右，若以種植4個直徑1.5吋鬱金香球根為例，花盆直徑5-6吋左右就足夠了。(球根上盆前記緊用百菌清/多菌靈之類的農用消毒殺菌劑依指示浸一浸)

種植方面你可以先參考這帖:風信子的養護方法，與風信子不同的地方在於，上盆時鬱金香球根要再覆蓋盆土至只露出球根上面的生長尖尖位。

鬱金香都是先長根後長花葉，所以要記緊，除了在上盆後頭幾日你可以好奇翻開盆土中查看球根底下長根情況，之後就唔好再翻開球根了，根會斷一條少一條；另外要注意環境要通風涼爽，鬱金香怕熱，攝氏25度以上就要避一避了，發葉前唔好晒太陽，出葉時就盡量在唔熱的情況下比鬱金香晒太陽，令枝幹及葉片長得強壯；

施肥方面，上盆至長葉期前係長根期，長根期切勿施肥，長葉期可以每週施適量的高氮鉀肥，見有花苞就不用再施肥；

澆水方面：照舊盆土"見乾澆透"。

[上面如有任何錯漏，請路過的花友指正及補充，Thank you.]

首先沒有圖，連樓主買嘅是否郁金香球根都未知！

八王爺 發表於 2012-11-22 12:26
首先沒有圖，連樓主買嘅是否郁金香球根都未知！

香港花販未差到連鬱金香球根都賣假貨吧？(不過樓主放相比花友們睇睇又會穩陣d)
我估最差係真貨但次貨吧？﹗

JenniferC 發表於 2012-11-22 11:58
以我所知，種鬱金香基本上與風信子的種植及處理差不多，分別在於鬱金香對溫度及環境更敏感及嚴格。

選盆方 ...

好多謝你咁詳細嘅回答
但請問係咪都要雪約45日架

八王爺 發表於 2012-11-22 12:26
首先沒有圖，連樓主買嘅是否郁金香球根都未知！

佢雖然有D老點左我買,但應該都唔會衰到買個水仙球畀我掛

JenniferC 發表於 2012-11-22 12:52
香港花販未差到連鬱金香球根都賣假貨吧？(不過樓主放相比花友們睇睇又會穩陣d)
我估最差係真貨但次貨吧？ ...

等我今晚返屋企試下upload相畀你地幫我睇睇係咪畀人呃到盡啦 唔該晒

pOisOn2 發表於 2012-11-22 14:34
好多謝你咁詳細嘅回答
但請問係咪都要雪約45日架

包報紙/廚房紙放生果格雪6-8個星期，其實唔同鬱金香品種冷凍處理的時間都差幾日，不過我個人認為雪多好過雪少，你亦可以因應預計的開花日期來決定上盆日期。

我都係剛雪左幾粒鬱金香, 計過大約 1月先種得, 應該趕唔切過年開花喇 ~

JenniferC 發表於 2012-11-22 17:43
包報紙/廚房紙放生果格雪6-8個星期，其實唔同鬱金香品種冷凍處理的時間都差幾日，不過我個人認為雪多好過 ...

其實我都有用報紙包住雪
不過圖1,2好似同未雪無咩變化
圖3,4又好似有D雪爛左咁

我只見到第一張相，應該係鬱金香球根無錯。
冷凍處理時只要保持球根乾爽就無大問題。

JenniferC 發表於 2012-11-25 13:29
我只見到第一張相，應該係鬱金香球根無錯。
冷凍處理時只要保持球根乾爽就無大問題。 ...

唔該晒花友 種左3個幾星期卒之都出芽喇
但我種之前問左個買蘭花嘅老闆(因為買開嘢感覺佢好老實) 買藥去菌，但佢叫我千祈唔好，直接種就可以
於是我聽佢講乜都唔落照種

發芽了

JenniferC 發表於 2012-11-25 13:29
我只見到第一張相，應該係鬱金香球根無錯。
冷凍處理時只要保持球根乾爽就無大問題。 ...

我想問其實幾時可以分盆同埋點樣唔傷根嚟分，謝謝

點解要分盆呀？

joke_k_d 發表於 2013-1-8 07:25
點解要分盆呀？

因為個盆好高，我又種得低，怕生埋花出嚟都睇唔到

pOisOn2 發表於 2013-1-7 19:40
我想問其實幾時可以分盆同埋點樣唔傷根嚟分，謝謝

係嘅王爺 多謝指教