求救﹗白色細虫

係龍骨的葉上,唔知係咩虫,好似塵咁,一掂佢就飛,請問各位可以用咩方法處理?

白粉虱～

你去這裹睇睇有教怎樣殺佢.http://hkplants.com/thread-124016-1-1.html

我用過花椒水噴 冇效
仲越來越多添﹐最後植物 C 了

呢個好難搞，我抗戰左半年，半數植物陣亡先清晒。最快處理方法，如果你d植物唔係好難買得返，掉晒佢最好，因為白粉虱繁殖得好快，今日噴左藥以為有用，過兩三日又有大量，如果盆栽數量多，一盆冇殺清好快又傳開晒。我試過噴biokill，苦楝油，清源保，完全冇用，後來用毒性勁d o既殺蟲水噴就少左好多，但易有藥害，噴多兩次棵植物都捱唔住。呢個亦唔治本，你反轉葉底睇，會見到好多蟲蛋，要清埋呢d，我用少少洗衣粉開水，逐塊葉捽走d蟲蛋，再keep住噴洗衣粉水，隔幾日再檢查下，又有的話再抹。我大部分係玫瑰，盡量剪走晒d有問題o既葉，最後終於清晒，但係經過咁多拆磨，好多花都好虛弱，我頭像棵玫瑰因為虛弱開始枯，好彩一早留左種。我o既建議都係掉得就掉算。

我之前嬲到晚晚用火槍燒佢地,一開頭都就住黎燒一燒就算,但燒左幾日都仲有好多,繁殖勁快,於是燒死哂D植物再種算數!!不過我燒死左O個D 辣椒同茄子O個時剪剩3吋高放埋一邊無哂葉,點知依家又出返葉仲有辣椒TIM!!

一開始有你貼D黃色虫貼先啦,再落D濃少少GE苦楝油.唔得就用火槍燒一燒佢,你一燒佢就跌落泥上,記得再燒一燒D 泥!!當你見到燒死左好多,就剪走多餘ge葉佢,留返3-4塊算數!!留o係度ge葉用洗衣粉水抹走d蜜露佢