家樂花問題

種咗一個月左右, 點解啲葉軟咗, 買返嚟果時啲葉好硬同厚啲, 有冇得救?

見你盆植料好似好多椰纖，你一買返屋企有無換返d疏水的植料，你這盆家樂花睇黎似"焗親"，可能d根呼吸唔到又或者種植環保唔通風。
最有效的方法係盡快換上疏水的植料(例如:多肉植料)，順手修剪枯花枯葉，種植的環保要通風+充足的陽光，另外切忌積水，澆水係"見乾澆透"，即係盆土乾透先好澆水至盆底滴水，澆水後可以的話唔好放底碟，若果一定要墊底碟亦要留意切勿底碟長時間積水。