種咩都死,why?

其實多肉植物同大部分食蟲植物嘅種法，係O岩O岩相反架喎…多肉十幾日先淋一次水都得，食蟲植物一兩日缺水就有機會見光圈…
仲有，食蟲植物因為對植料入面嘅養分同雜質十分敏感，反而唔建議用自來水，而應該用蒸餾水等不含雜質嘅水，否則會死…自來水唔係唔用得，但如果入面嘅雜質偏多，長遠會積喺植料入面，植物會好快生長不良甚至死亡。
多肉其實用蒸餾水都冇問題，最多養分少D。反而自來水入面有氯氣同其他雜質，對植物嘅影響仲大D。
多肉之所以唔俾咁多水，係擔心佢地水多爛根，同用咩水冇直接關係(如果有人話用漒水，王水等…我冇野好講)
>#10
問題系植物主要吸氣既唔只系系大氣中, 系泥同水都系都系主要來源, 尤其根部冇得系空氣中吸收, 就只能靠泥中既空氣!
尼句會誤導好多未種過野嘅人，所以請恕我直言:
「泥入面嘅空氣」呢個說法唔可以話錯，但係本末倒置左，因為部分植物怕太濕/怕悶焗，所以先需要通風，減少爛根或生長不良嘅可能，而唔係需要泥入面嘅空氣。而植物嘅根部，主要係用黎抓住介質，貯存養分之用。而植物製造養分嘅工作，主要靠葉片嘅光合作用製造，其次先係由泥入面吸取養分同水等養分。所以一棵植物唔施肥，最多生長不良但唔會死，但冇光就一定會死。
然後，泥其實唔係植物生長嘅要素，因為有D植物本身就可以水種…泥只係其中一種適合種植嘅介質。
至於仙人掌d葉點解咁細塊…係因為要減少水份流失同保護自己免受咬食，同「靠葉片吸收空氣」完全係兩回事

你不如去找下那些真正在戶外種出來的植物啦....

香草 大部份都可以曬的....

我d香茅係田種 全日照都無問題 .... !!!!!!
要幾多有幾多....

Christopher  佢系鬼謙虛, 佢系懶得戚扮野踩人先被我炮轟, E個故事教訓人衰多口系抵死既, D 男人真系冇一個爭得落

???

mingfunming 發表於 2012-9-12 07:22
???

嘩!依家講緊d花花草草,點解會去到"D 男人真系冇一個爭得落"你係米太太太離題???都市人個個都有壓力,下下你都人身攻擊,須則我量大,無同你下下去到咁盡!下面有條 link,應該適合你,唔駛多謝我 http://www5.881903.com/main/event/mood/p2_1.htm

mingfunming 發表於 2012-9-12 14:37
嘩!依家講緊d花花草草,點解會去到"D 男人真系冇一個爭得落"你係米太太太離題???都市人個個都有壓力,下下 ...

鬧劇完結"心繫正能量，平安又吉祥"

唉...公道自在人心....我建議大家停一停....
天氣乾去去飲番杯蜜糖水啦....

一條鎖匙唔會響.....

" cklife  泥土中係有空氣架....唔係我地點解要溝泥? "

泥有空氣我都有講過, 不過加水之後水浸左入D根會阻住根同泥之間既接觸, 即系D水好似D牆擋住左, 所以根就少左好多機會吸泥中既空氣, 所以點解落水唔可以落太多, 又點解D大樹生根要生到上地面甚至樹上

樓主....

你種多咁多野都死，而你又有係網上搵下資料...所以又唔可以話你無用功...
但基本功方面，要先解決囉...

可以講下你種植既環境嗎?
係天台?露台?窗邊?
向住東南西北邊個方向?
太陽晒唔晒到呢?定只係得散射光?
通唔通風呢? 會唔會比其他樓擋左風呢?

如果你連泥買番黎既植物成日死，不如試下去街市買D薄荷番黎插水...
生左根自己再落泥種...試下會唔會有另一番境像...

唔好灰心，我都種死好多野....香草算粗生，街市買既品種係本地品種(生草藥檔)，比較適合香天氣。

我自己淋水呢...用手摸下，濕濕地就唔淋，個泥面乾左呢...就一次由面淋到底出水。

雖然麻煩，但比較好處理。

比你參考一下...我天台有頂，所以無陽光直射，靠散射光，但夠通風，好多香草都種到..
CK香草日記

" 乜空氣唔係根係泥土之間吸既咩...全部靠水裡面既氧氣?咪好似金魚囉... "

如果要明白植物點呼吸, 先要解剖佢既特性

植物的結構
1) 根
2) 莖
3) 葉
4) 花
5) 果
6) 種

花、果、種就因為出現時間短, 冇可能同呼吸有關

莖有少部份既呼吸作用, 但有好多植物, 佢地既莖都會木質化, 所以呼吸作用不大, 所以只盛下葉和根

葉子上有很多氣孔, 可以作 24小時既呼吸作用, 但對於針葉型既植物, 佢地冇大葉所以冇E D氣孔, 就只有依賴根、莖既呼吸作用


根系以2種方式吸取空氣、水份同養份...

1) 擴散, 不過E個方法很慢, 所以如果只用這方法, 植物死了也未吸引到 (E 個方法系莖到用, 所以話莖既呼吸作用不大就系感解)

2) 流體力學, 從高密度/濃度的一方吸到低密度/濃度的一方


問題是, 泥土中, 如果水份過多, 泥中的土就沒多少空間令空氣進入, 如果再加上缺氧水, 植物就難以在土中吸收氧氣

有些大樹, 佢地要氧氣來生長既份量就更多, 由於泥中的空氣有限, 所以佢地既根甚至要生出土外或樹上, 以吸引大量既氧氣

E家HK政府, 就系有D冇腦既咩水, 系D大樹周圍, 舖左唔通氣既磚同石屎, 所以香港D大樹(種系城市果D)面臨瀕死既危機!

點評
小Con子  我估唔係乜水的問題,係泥土濕度的問題. 泥土很乾,乾一星期至一個月才淋水,佢都唔會死;相反, 泥土濕一星期,佢會好快死@@  發表於 2012-9-12 09:4
=======
X2  我都估係泥問題
我都試過，泥土一太濕又唔疏水，棵仙人掌幾日內瓜柴
相反，成個月無淋水，佢反而開枝散葉開花花！

如果種咩都死既話 不如好似我咁 買多幾種黎種
應該總有1-2隻岩你屋企環境