[求救]大家請幫一幫忙入黎, 睇一睇幫下我.....PLS!!!

請各位幫幫忙, 此仙人掌是我於日本帶到香港係上年11月買.
我都有好比心機去照顧佢...岩岩拎佢返黎個陣尖尖地個棵都好地地, 而我都只係放係窗邊比佢得閒晒下太陽同埋2個星期先比一次水....但問題係而家過左10個月, 佢好似要死啦....由變黃再變到而家紅紅地色同埋枯左咁, 一路睇住佢變成咁真係好唔開心
所以我真係好想各位比D意思同話比我知佢發生咩事...求下大家幫幫手, 謝謝及感激不盡!!!!

買左冇耐

變晒色啦

係咪唔夠陽光呀?

suki4140 發表於 2012-9-3 14:47
係咪唔夠陽光呀?

唔會掛, 我放佢係窗邊啦, 都幾多太陽可以曬到佢既.....

你只比珠石黎種佢呀?
佢係咪唔適應咁既環境呀?

powergun 發表於 2012-9-3 15:21
你只比珠石黎種佢呀?
佢係咪唔適應咁既環境呀?

唉, 我就係唔係好識, 本身D珠石係佢SET死左, 我移唔走.....咁佢係唔係冇得求啦?

ruby0322 發表於 2012-9-3 15:29
唉, 我就係唔係好識, 本身D珠石係佢SET死左, 我移唔走.....咁佢係唔係冇得求啦? ...

依家睇黎都變哂色, 我諗都好難救啦, 你可以試下改返用科學泥黎種下佢, 睇下得唔得啦, 盡下人士都好呀

powergun 發表於 2012-9-3 15:39
依家睇黎都變哂色, 我諗都好難救啦, 你可以試下改返用科學泥黎種下佢, 睇下得唔得啦, 盡下人士都好呀 ...

咁我諗我要想辦法拎左佢出黎先....因為D沙係有個公仔樣, 如果我成棵拔出黎咁個樣就一定散晒, 請問我可以比D養份佢嗎?

唔係入秋會轉紅色咩 ???

拆左塊水晶
好似石尿面種樹,緊係種唔到la

裡面重有無綠色, 你個度有沒泠氣,
放係泠氣房先la. 天熱種唔到,
有無赤肉土個類植料, 我覺得科學泥反無甘好.

其實呢種十二卷好粗生, 如果有幾塊葉未死都有可能復活.
唔駛比肥料. 等佢出番根先算.

sunrise 發表於 2012-9-3 16:31
拆左塊水晶
好似石尿面種樹,緊係種唔到la

@_@, 成塊水晶拆左佢, 明白明白.....
重有綠色呀~~~原來要放去冷氣房, 唔怪得啦!!!!
我返去搞搞佢先, 但問題係另一個波波冇事係唔係唔洗搞佢?

個盆是否無孔的?

同問
盤底無孔積積埋埋d廢棄物會毒害植物
亦帶唔倒新鮮空氣入泥土
換盤可重生!

係呀, 個盤係冇洞的, 因為成個用玻璃做!!!! 多謝各位指教我會整走上面個塊水晶再整左佢出黎!!!!謝謝!!!!

見到店家用冇窿嘅盆， 紅紅綠綠好鮮艷嘅植料， 我每次都好嬲 ！ 我覺得嗰D嘢係專門用來呃ol， 等佢地好快種死再來買。我買嘅時候都係要求店家換回盆同埋泥先俾我。

雀梅老漢 發表於 2012-9-4 13:51
見到店家用冇窿嘅盆， 紅紅綠綠好鮮艷嘅植料， 我每次都好嬲 ！ 我覺得嗰D嘢係專門用來呃ol， 等佢地好快種 ...

呢個可能係做生意既方法黎, 大大盤咁五顏六色, 可賣貴d嘛,  但棵植物比佢累死

换咗個盆先, 唔好比水住,
抽出來比風吹下佢D根