乜都種吓嘅花園仔

花園仔 · 發表於 2012-6-12 23:14:25

露地上種嘅4棵<洛神花>
(倒塔咁早+壞天氣+爛相機 -- 將就啲睇吓啦!)

花園仔 · 發表於 2012-6-12 23:21:42

本帖最後由花園仔於 2012-6-15 23:03 編輯

晚安!

開花結豆嘅<白色長豆角>

回復點評

大家好!

耐心啲啦! 實得架, 想快啲咪除咗落均效肥外加翻少少磷肥鉀肥俾佢補吓囉!

花園仔 · 發表於 2012-6-14 22:31:17

大家好!

為盆種嘅番薯更新咗囉!

呢隻番薯真係種得過架! 啲葉非常好食, 番薯又香又甜又滑!

花園仔 · 發表於 2012-6-14 23:11:12

本帖最後由花園仔於 2012-6-14 23:15 編輯

雖然天氣唔穩定, <青瓜>嘅人工授粉並無停止架!

呢度種咗两種<青瓜>

左邊6棵乜平記嘅散裝種籽<壽司青瓜>, 呢款青瓜出芽率高, 快大, 適應性強, 開花結果順利, 瓜瓜爽脆香甜適合做沙律或炒食....

右邊2棵衫兄嘅袋装種籽<壽司青瓜>, 呢款青瓜出芽率高, 生長速度比上款慢啲, 適應性較弱(唔同環境共種咗7棵, 到現時為止有3棵瞓咗覺囉!), 開花結果唔夠順暢, 花朵較細尤其是乸花發展較慢, 授粉成功後瓜瓜成熟期亦較慢.... 瓜瓜皮薄, 肉質細緻, 鬆化香甜最適合做壽司....

呢款<壽司青瓜>暫時收咗一個瓜瓜長度9吋

花園仔 · 發表於 2012-6-14 23:17:28

另一棵<淮山>

花園仔 · 發表於 2012-6-14 23:20:55

花槽上嘅<秋葵>大得好快呀! 仲有花冧添!

花園仔 · 發表於 2012-6-14 23:24:12

<薑>唔怕水多架!

花園仔 · 發表於 2012-6-14 23:31:20

露地定植後F先生黑色圓茄子睇黎幾適應啵!

花園仔 · 發表於 2012-6-14 23:40:19

本帖最後由花園仔於 2012-6-15 00:37 編輯

用盆種<秋葵>一樣種到餐食架!

呢盆用吉吉12號盆種嘅<秋葵>日日都有一两朵花開嘅, 種多幾棵就隨時都有得食啦!

睇埋嗰4組特寫至講晚安啦!

2020: 嘩，一粒芽蟲都無架!

都話<記得睇圖時請順手體張圖上點擊一下, 再用鼠標滾輪放大圖片清楚好多架!>真係有芽蟲架, 不過唔使驚, 噴噴咪OK啦!

花園仔 · 發表於 2012-6-15 21:15:18

剛試食朋友仔送黎嘅茄子, 原本應係偏向黑色嘅, 採摘時黑色退化還原帶綠色, 尾部欠圓潤且帶花斑狀, 睇黎瓜瓜膨大時缺少鈣元素所致嘞, 早啲採摘效果會好啲即係老咗少少啦! 嘻嘻!

試食方式: 採用切片蒸熟配熟豉油麻油汁.

瓜肉仍嫩滑好食可惜多籽及皮韌! 瓜瓜趁嫩食效果會更好! 再試再試....

花園仔 · 發表於 2012-6-15 21:46:31

本帖最後由花園仔於 2012-6-15 22:57 編輯

6月3日更新嘅番薯藤睇黎根鬚生定咗嘞! 為咗令佢地快啲開枝散葉, 用咗朋友仔送嘅泥土PH值測試器黎睇吓泥土嘅酸鹼度啱唔啱番薯嘅要求, 結果係加咗啲熟石灰粉PH值去到6.8, 希望佢地生生性性啦!

仲有, 唔知分享俾小寶嘅番薯藤而家情況如何呢? 嘻嘻!

回復點評

happyjoyjoy, 泥土嘅酸鹼度如果能合乎或接近植物嘅需要就肯定會比求其亂黎嘅好成績啦! 當然其他因素都要加入比較嘅!

小寶好! 希望佢快啲枝葉茂盛再分享俾大家啦!

花園仔 · 發表於 2012-6-15 23:01:32

嗰個超大檸檬終於切片整檸蜜囉!

嘩! 好厚皮呀! 不過真係香甜味美呀! 飲杯!

花園仔 · 發表於 2012-6-15 23:17:01

本帖最後由花園仔於 2012-6-16 21:23 編輯

長條苦瓜擺脫寄人籬下嘅日子後(前時寄養體加拿大四季豆腳下)由虛弱漸漸變得強壯, 枝條有力, 葉子亦翠綠可愛, 公乸花開始多咗, 應該好有前途囉!

仲摘咗個<笑專>試食添!

試食報告:

<苦瓜>切2mm厚成10mmX30mm+大隻<秋葵>切2mm厚成8mmX8mm粒狀+3隻雞蛋+1茶匙炒熟黑白芝麻+胡椒粉+橄欖油+豉油+鹽 -- 煎炒! -- 唔苦喎! 好好食呀! 我諗小朋友都會鍾意食嘅!

花園仔 · 發表於 2012-6-15 23:28:49

本帖最後由花園仔於 2012-6-16 22:14 編輯

送長條苦瓜苗苗俾我嘅朋友仔佢種得好靚呀! 佢係用盆種嘅, 收咗好多瓜瓜囉!

多謝佢嘅苗苗外仲多謝佢送黎两個sample試食添! 嘻嘻!

回復點評

garlic, 我將苦瓜切薄片冇氽水+蒜茸+橄欖油+泰國麵豉醬+沙糖+醋 -- 爆煮! -- 瓜瓜微苦啫! 好好食!

2020, 求其講吓就冇所謂! 我又唔係食家! 況且本壇有專區講飲講食架馬! 做人千祈記住唔好逾越角色嘅分際呀! 嘻嘻!

花園仔 · 發表於 2012-6-15 23:34:24

本帖最後由花園仔於 2012-6-18 22:37 編輯

今日摘咗個好食難種嘅<壽司青瓜>, 8吋半長咋!

回復點評

邦妮, 呢隻係體衫兄買嘅台灣出品種籽包<壽司青瓜>應該係同Y牌嗰隻相同, 但種植質素睇黎點都係Y牌好啲嘅! 不過瓜瓜真係超好食啵!

花園仔 · 發表於 2012-6-15 23:40:15

<自古美人如名將, 不許人間見白頭> 我睇瓜瓜都係差唔多啫....

花園仔 · 發表於 2012-6-16 21:25:25

本帖最後由花園仔於 2012-6-16 21:33 編輯

好大雨呀!

回復點評

karenclc1, 冇呀! 你問小寶啦! 嘻嘻!

花園仔 · 發表於 2012-6-16 21:30:52

本帖最後由花園仔於 2012-6-16 22:28 編輯

好彩一早就幫瓜瓜做妥人工授粉及做好植物嘅防雨工作啫, 雨好大仲有棑落架!

回復點評

大家好!

瓜類植物唔怕水多, 但落雨冇陽光就影響花開嘞! 就算有公乸花齊開都減低授粉成功機會啦!

花園仔 · 發表於 2012-6-16 21:41:29

<韭菜>鍾意雨, 不過水多會浸爛根架!

花園仔 · 發表於 2012-6-16 21:47:18

本帖最後由花園仔於 2012-6-18 18:34 編輯

小寶好! 請你睇吓呢盆擴充緊嘅<旱地西洋菜>啦!

記得睇圖時請順手體張圖上點擊一下,
再用鼠標滾輪放大圖片清楚好多架!

回復點評

garlic, 普通品種黎啫, 朋友送嘅插枝. 摘過芽尖同其他雜菜一齊淥米粉食, 未正式試食呢!

Mill, 係普通品種嘅<旱地西洋菜>啵! 唔係我地常見嗰隻呀! 嘻嘻!