乜都種吓嘅花園仔

新一批<加拿大四季豆>又黎囉!







你睇吓豆豆旁邊嗰啲係乜嘢植物呢?

老師想問～唐檸～係點嘅樣㗎？

Thanks!老師

回復點評  16971#

garlic  老師你D番茄呢?

garlic好! 我啲蕃茄都開花結果中呢!





















回復點評

garlic, 以上全部都係大型及中型茄黎架!

種體花槽嘅Y牌<牛扒蕃茄>成熟緊囉!

盤種嘅Y牌<牛扒蕃茄>開花結果中需要好多養份黎支持, 我落咗啲雞屎肥及熟肉骨粉俾佢嘆呢!

<四季桔>即係四季都有桔啦! (有啲廢話噉啵!)

想四季都有多啲桔仔好容易啫, 如果係當年買黎過年擺嘅就要體過咗年後天氣回暖時做多啲嘢嘞!
換泥+修剪根鬚+修剪枝條+如果盆仔細就順便換個大啲嘅盆!
(種開嘅就可以體两三年後先至重複以上嘅動作)

一般體過年後大動作修剪枝條, 長出新枝葉後體離主莖遠處挖幾個窿落啲均效肥, 有花苞時加落少少磷肥及鉀肥幫吓佢順利開花結果, 水份要夠但唔好太濕, 照多啲陽光! 仲有捉蝴蝶蟲....





先幾日摘咗今日仲有啲體樹上架!

我又交功課啦 ! 小寶轉發 既 花老師鬼椒種子 種出來既兩棵鬼椒

係秋冬期間正選結左廿隻到既鬼椒 後備就結左十隻到 ( 兩棵鬼椒其實差唔多大 )
我見先排凍到兩棵野的葉都黃晒 我就收晒棵正選的鬼椒 然後就將棵正選剪剩3支魚杆啦



唔知點解 棵正選的鬼椒我都係唔覺好辣

唯有等後備的鬼椒紅左再試下有冇分別啦
P.S 等棵後備的椒紅左之後都係要再修剪下架啦

回Dora : 但係夏天個陣兩棵都係淨開花 一隻椒都冇呢

麥煞那, DORA及大家好!

<印度鬼椒>嘅辣度始終係受到種植環境及條件影響嘅!
慢慢用唔同環境及條件黎種植試驗吓啦, 睇吓結果數量大細及辣度有乜改變都好吖! 嘻嘻!


我嗰棵現時情況

花園仔 發表於 2012-2-7 18:46

回復點評  16978#

麥煞那: 的鬼椒葉狀態係唔係都係麻麻地 ?

麥煞那及大家晚安!
體呢段咁寒冷嘅天氣下, 呢種原生體攝氏30度以上嘅植物能順利生長都值得慶幸架罅, 我只能為佢喝采而已, 葉子顏色冇夏季時咁亮麗係肯定嘅, 春天到嘞, 只要繼續保持就有前途啦, 你睇佢好多花苞啵!


自己睇嘞









回復點評

麥煞那, 大修剪動作我多數喜歡體春天或秋天做嘅! 印椒種植我都係初哥啫, 冇意見俾你呀!

老師可否幫我睇下棵茄子有什麽事?

我2星期前落了少少骨粉及每隔2星期落海帶水，見葉面有少少白粉病咪噴已開到好希嘅疏打水

MilkMilk 發表於 2012-2-8 13:37
老師可否幫我睇下棵茄子有什麽事?

我2星期前落了少少骨粉及每隔2星期落海帶水，見葉面有少少白粉病咪噴已開到好希嘅疏打水

MilkMilk及大家好!

MilkMilk, 你嗰棵茄子睇黎係缺磷肥尤其是鈣啵, 唔係話你落咗乜嘢肥, 最緊要仲係棵嘢吸唔吸收得到架! 好明顯係嘥料啦, 你體棵嘢最需要磷肥時先落骨粉, 但你要清楚一般骨粉需要較長時間黎發酵完熟俾植物吸收嘅, 海帶水嘅肥份好少架咋, 比較適合盆種植物施放, 種體露地嘅植物施放肥份容易流失, 所以係要重手啲架!
同時你只係施放偏肥(磷肥及鉀肥)而忽略其他主要養份(氮肥)啵, 棵嘢自然弱勢亦等於容易被病蟲害入侵啦, 有冇得救, 梗係有啦, 遲啲暖翻等佢標啲新芽出過啲新枝葉再重新出發啦! (不過其實再落過種籽都好快趣啫!)


茄子一般可以跨季種植, 不過寒冷天氣的確好難令佢持續正常生長嘅, 開花結果難度就更大啦! 所以到咗秋天就要持續同佢補身嘞, 植物栽種保養同人類嘅養生都係差唔多嘅啫, 主要係固本培元針對實際情況施放適合嘅肥料, 養料要正確施放先至事半功倍嘅, 講咗咁多好似好複雜噉, 其實係非常簡單嘅啫, 我一般係持續性施放均效肥(雞屎肥) 見葉子弱顏色唔青綠就體有幾天陽光嘅日子落少少花生麩水肥幫吓佢, 見有花苞就落少少磷肥(熟肉骨粉) 及鉀肥(紅牛鉀) 黎助佢順利開花結果, 都係好容易手板眼見嘅工夫啫....


嗱, 睇吓我呢棵種體牆邊嘅茄子先啦, 食咗好多茄茄架罅, 佢而家仲好健康架啲葉芽仲增生緊嘅!











回復點評

DORA, 都立咗春洛原則上種乜都得啦! 不過都係遲少少暖啲先落種籽好, 而家得十零度....

呢棵茄子都係種體靠牆邊嘅, 可能保養得好啦, 幾個月都不停結茄茄真係食極都仲有呢!
主要係持續性施放均效肥(雞屎肥) 見葉子弱顏色唔青綠就體有幾天陽光嘅日子落少少花生麩水肥幫吓佢, 見有花苞就落少少磷肥(熟肉骨粉) 及鉀肥(紅牛鉀) 黎助佢順利開花結果啫!

大家都應該見慣見熟架啦, 今日:

















回復點評

MilkMilk, 唔使客氣! 暫時唔使落肥料住, 燶咗壞咗嘅葉都冇用架罅, 佢地俾乜肥都受唔到啦, 而家只好等主莖生過啲橫丫出黎(通常由近泥面度標過啲新枝丫), 一見到有芽芽突出黎先再施以均效肥順便修剪埋棵嘢就OK啦!

大家好!

用吉吉12號盆嘅<無花果>甩曬葉進入冬眠狀態嘞.
呢棵瓷缸種嘅仲剩翻幾塊葉及最後幾個果果, 短期內都會冬眠架罅!

天氣寒冷幸好<士多啤梨>仍順利開花結果!

花槽種嘅Y牌<牛扒蕃茄>

<美國翠莉蘆薈>又有花冧囉!

用吉吉12號盆種嘅<大陸中型蕃茄>開花結果中

两日前落咗啲自留嘅<長豆角>種籽

用龍缸種嘅<大陸中型蕃茄>亦開花結果囉!

冬天嘅<薄荷>有啲瘦瘦地啵!





回復點評

Mill好! 柚子薄荷怕冷掛! 我嗰盆柚子薄荷都瞓咗覺嘞!