乜都種吓嘅花園仔

繼續請睇吓8號風球後嘅<秋葵>表現啦:

花園仔老師.
我想請教你種瓜果的方法
我有學你的方法0牛泥用
種菜和豆類都很好
但種青瓜和番茄等都結不了果
會是什麼原因呢

繼續請睇吓8號風球後嘅<秋葵>表現啦:

<茄子>冇乜損失吖! 好靚仔啵!

花園仔 發表於 2011-10-2 23:14
猛咁開花結椒!

回復點評  16419#

ckathy29及大家好!

<燈籠椒>種得靚唔靚睇吓啲葉就知嘅意思係: 葉子顏色要深綠潤澤亮麗, 葉大柄唔長, 葉面平順冇捲曲....
主莖粗壯, 分枝有力咁樣先至容易開花結果嘅! 腳底老葉及殘葉唔使留啦, 軟弱無力嘅枝條亦唔好留咁多, 啲營養先至可以集中供應俾主分枝去開花結果嘅....


嗱! 你只要俾施放磷肥鉀肥為主及氮肥為副嘅薄肥佢嘆吓就可以順利開花結果啦! 實得格!











回復點評

yukyo, 呢度大多壇友都知道骨粉係磷肥架啦! 金葉牌肉骨粉係高磷肥黎氮肥成份雖有而不高架!
你棵椒啲葉無光澤同捲曲原因好多(有可能係患上捲葉病架), 如果單從肥料方面補強改善應用氮成份高啲嘅肥料啵!

花園仔 發表於 2011-10-3 13:32

回復點評  16428# & 16430#

magichand:  請問你D"秋葵"施乜野肥, 幾耐施一次呀? 種得太好啦!!!
                 "施放磷肥鉀肥為主及氮肥為副嘅薄肥": 主和副的薄肥比例是多少? 幾耐施一次呢?
==============================

有乜咁好吖! 點施肥都講咗N次嘞!

主要以磷肥(熟肉骨粉)鉀肥(紅牛)為主及氮肥(花生麩水或粉粒)為副嘅薄肥, 約7-10日追肥一次!
肥料份量配置唔可以一概而論嘅, 因為各人種植環境與條件都不盡相同! 最佳方法係要了解自己嘅種植環境與條件, 所購肥料嘅詳細施放份量, 最緊要仲係靠自己摸索出黎嘅經驗!


日日都有收穫嘅<秋葵>

花園仔 發表於 2011-9-29 21:40
呢個風變化真快, 掛萬漏一都唔掂呀!

棵白蘭花次次都有捆綁架! 呢次就....

老師你好，我想請教你種白蘭的方法和竅門 (如泥土、澆水、施肥、修剪等問題)，點樣種先可以好似你的一樣咁茂密呀?? 因我的那株(種咗幾個月)除咗得條高主莖外，d 分枝和葉片都好疏疏落落，d 花又少又細粒，還不斷地落葉(初起時葉上呈黃褐色斑塊，後擴大後便脫落，是否有病/蟲害?)，最近在8號風球下，順勢全株葉片幾乎清光及被吹倒連根也拔起。請問我該如何處理??  多多指敎，謝謝!!!

花園仔 發表於 2011-10-3 18:35

回復點評  16431#

新手農夫:  老師,想請教一下你施肥時是每一次都有氮磷鉀,按比例分主副; 還是氮和磷鉀分開,按次數分主副呢?

新手農夫及大家好!

施肥方式係以實際情況去決定點做嘅!
當我啲<秋葵>未有花苞時我會單獨施以氮肥黎催谷枝葉茂盛, 隔次會增加磷肥及氮肥施放等佢儲存養份黎作開花結果嘅基礎!
等到植株壯碩枝葉茂盛及曝出花苞時就每次追肥都有氮肥磷肥鉀肥嘅份嘞, 過磷肥鉀肥嘅份量會多啲, 氮肥份量會少啲, 作用係保持原有枝葉生長嘅養份及新出枝葉嘅營養, 其實當開花結果時植株枝葉發展不宜太多太大架, 咁樣先至令植株將所有精力貫注體開花結果嗰度吖馬, 而催花谷果嘅力量來源就係磷肥及鉀肥嘞!


日日都有新鮮秋葵摘架!

qcchan1 發表於 2011-10-3 23:26
老師你好，我想請教你種白蘭的方法和竅門 (如泥土、澆水、施肥、修剪等問題)，點樣種先可以好似你的一樣咁茂密呀?? 因我的那株(種咗幾個月)除咗得條高主莖外，d 分枝和葉片都好疏疏落落，d 花又少又細粒，還不斷地落葉(初起時葉上呈黃褐色斑塊，後擴大後便脫落，是否有病/蟲害?)，最近在8號風球下，順勢全株葉片幾乎清光及被吹倒連根也拔起。請問我該如何處理??  多多指敎，謝謝!!!

=================================

qcchan1 好!

<白蘭花>好易種啫! 一樣係水足肥夠陽光好就種得靚架罅!

我初初買苗翻黎都係奀之之格, 即刻同佢換咗盤及泥並放咗混合肥體底部後就冇乜點理佢嘞!

有時其他植物施開肥通常係氮肥就順便俾啲佢嘆吓! 初時枝葉少淋水就唔使太濕等佢出多啲根黎追水, 到咗佢枝葉茂盛時就要保持泥土濕潤嘞, 因為葉多佢需要大量水份黎維持植株開枝散葉架!

等到植株壯碩就要選擇理想嘅橫丫留底繼續發展, 弱枝殘枝通通冇得留低!
當見到枝頭有花苞時就追吓薄肥啦, 混合肥或叫均效肥(氮肥磷肥及鉀肥)就得嘞!
至於病害蟲好少嘅啫, 最多係黑蝴蝶嘅蟲, 用手捉咪得囉! 白蘭花好容易見到黃葉嘅, 新陳代謝啫, 見到咪摘走佢囉....

我每年都會修剪枝條架, 鍾意幾高幾大乜嘢形狀都得嘅, 唔使手軟架, 佢越剪越靚嘅!

種得好<白蘭花>一年四季都開花架! 嗱! 又黎囉!







水足肥夠咪枝葉茂盛又靚靚啦!

Y牌<牛扒蕃茄>苗苗

灑播咗啲<意大利生菜>種籽


琴日落種籽(10月4日)





今日有啲種籽曝芽囉!(10月5日)

<蒜頭>好似吹水咁快大呀!

剛割咗嘅<韭菜>, 唔使幾耐佢都會好似吹水咁標高架!





回復點評

suensuenli, 注意<韭菜>小時候千祈唔好淋咁濕啵, 等佢出多啲根黎追水, 水多啲根好容易吽爛架!

花園仔老師您好: 你種野真係好掂 , 睇完你棵無花果咁靚 , 自己都想試吓種 , 請問種子可以係邊度買到 , 種無花果有冇特別要留意既地方呢? 又要煩您 , 唔該您先

<洛神花>嘅花苞起黎越明顯嘞!

<新奇士檸檬>結果中....


咁多花至結咗呢幾粒果咋!

<燈籠椒>















回復點評

2020, <燈籠椒>我冇摘頂架, 現時種緊嘅約2呎左右高! 結唔到椒原因好多, 敝帖講過多次嘞!

yukyo, 帖子係要用心睇架! 人地琴晚已體該帖回復咗你啦! --  2011-10-5 23:20

<無花果>新出嘅枝條都帶果果架!

留作種籽用嘅莢果好大隻架!(大約長度200mm直徑35mm)

仲有一棑食架!