乜都種吓嘅花園仔

mono 發表於 2011-8-10 13:59
老師午安，
想問：見蔬菜統營處有些【蔬菜品種】是適合香港種植。
唔知會唔會有種籽買？
我見有隻﹣薄皮甜瓜（品種：銀輝）好吸引。

===============================

Mill及大家好!

<銀輝>小甜瓜係好普通品種, 佢都幾適合本地種嘅, 樣子幾可愛架, 可惜唔夠甜度本地人嗜甜就銷路唔係咁好囉!
而家無論瓜瓜或佢嘅種籽都好易揾到啫, 先幾日體元朗<衫兄>嗰條街嘅轉角位OK店門口都有檔擺賣有機嘢嘅都有瓜瓜賣啦, 買個熟啲嘅食肉留籽咪得囉! 至於種籽咪到花墟揾吓啦, 台灣及大陸都有呢隻瓜瓜種籽包格, 亦可以打電話到菜聯問吓邊度有種籽供應嘅!


回復點評

Mill, 我都係聽佢地話有機架咋! 唔知佢係唔係真正有機架, 我望吓就走洛....

今朝(2011-08-12)我又經過嗰檔嘢, 見佢賣啲嘢好雜, 啲小香瓜賣8蚊斤, 問佢係唔係有機, 佢回答剩係識得話<冇打蟲>! 哼!

老師, 你發d芽好靚呀!想種洛神花,請問宜家仲買唔買到種子?

蕃薯mo 發表於 2011-8-11 00:29
老師, 你發d芽好靚呀!想種洛神花,請問宜家仲買唔買到種子?

蕃薯mo,

<洛神花>種籽包我見過花墟有得賣喎!
不過使乜買吖, 你到分享版出個帖問吓仲快趣啦, 大把壇友都有呢!


順便出個溫馨提示

講起近棑呢度興<種籽育芽苗>食用, 大家就要留意嘞:

一般用食用嘅豆豆黎發梗係冇問題啦,
如果係用種籽用途嘅豆豆或其他籽籽就要小心啲囉,
原因係一般有機種植用嘅種籽係唔會灑上農藥黎保存嘅,
而普通種植嘅種籽多數會灑上農藥黎保護架,
負責任嗰啲種籽商會將農藥染上唔同嘅顏色俾人辯識,
亦有啲唔負責任嘅種籽商佢地會將啲<廉價嘅種籽>灑上農藥而冇警告架(冇將農藥上色)!
用黎種嘢就冇所謂, 時間咁長啲藥性都慢慢淡化啦,
但用黎發苗食就大劑嘞, 幾日時間咁短食咗落肚都唔知呀!
總之 -- 小心, 小心, 小心....

晚安!


小龍缸種嘅<燈籠椒>開花結果囉!











回復點評

大家好!
<燈籠椒>一般都唔會笠袋嘅!
市面上買到嗰啲靚靚<燈籠椒>多數係以大棚密閉式種植, 連續式噴灑農藥保護或套袋保護方式黎確保椒椒外表靚靚架! 採用邊種方式係睇吓該產品價位嘅水平去到邊嘅啫!
我地小型種植都有咁嘅思考架, 例如當我想種啲靚靚椒椒送俾好朋友嘅話, 就會採取令椒椒體最安全保証嘅環境中培植, 好似網室栽種或笠袋囉, 自己食就開放式管理架咋!

老師, 我棵秋葵同蘿勒都病咗呀





回點評:小寶,葉底有白,啡,黑粒粒,今朝已經將D粒粒掉走同沖水, 想請問秋葵D葉係咪都係因為紅蜘蛛所以甩色呀?

花園仔你好，睇左四十幾頁真係獲益良多，唔知幾時先可以睇哂800頁呢

我而家窗台用盆種緊迷你蕃茄，第一次種蔬果，三個月了，葉有些少黃，唔知係咪早排西斜位太熱呢…
不過，今日見到佢開始出緊花蕾之類的東東（青色的），雖得一個微型ge，但都好開心！

回復點評  75#

MilkMilk:  點解我種嘅青豆已差不多2個月葉好靚但唔見開花?
============================

MilkMilk,

你有冇一路以黎都會俾啲磷肥鉀肥佢嘆吓架! 我就有嘞!

嗱! 我種體花槽嗰幾棵<白色長豆角>一直有俾磷肥鉀肥佢嘆吓架,
由於初時冇噴藥保護所以受到潛葉蠅侵害, 而家搞掂囉, 猛咁開花結豆呢!

回覆花園仔#15994點評
花園仔  reimix好! 好多蕃茄品種都唔適合本地而家咁熱嘅天氣種植嘅, 我就唔會去挑戰嘞! 遲啲天氣涼翻啲希望你棵蕃茄順利掛果啦!

================================================

其實我第一次種菜的，都係這星期才知錯了季節，能種了兩個月已經覺得唔錯了
同期下種的櫻桃羅白已經枯了，九十月再試種

快高長大嘅<秋葵>


地上種嘅:





有隻蝸牛





菜池種嘅:










一粒粒嗰啲透明物體係棵嘢嘅分泌物啫

回復點評  15971#

小Con子:  扁盤種得好唔好呢?
====================

種得幾好架! 食咗好多個嘞! 唔記得實際數量囉!











第2波茄子收穫水尾囉, 縮骨咗少少啦, 不過一樣咁好食架!

hempseed 發表於 2011-8-11 12:35
老師, 我棵秋葵同蘿勒都病咗呀

hempseed好!

你棵秋葵好似冇病啵!

啲葉淡色有黃點係葉子衰老現象啫, 一般都會出現體最低位置嘅老葉度, 即黃老殘之一!
棵嘢健康就好少塊葉會咁嘅啫, 如棵嘢唔夠強壯呢個現象就多嘞, 好多葉都會架!


嗱! 我嘅<秋葵>最低葉都有一塊係色淡起黃斑啦:

老師, 有花友可分享洛神花種子給我, 請問而家種可以嗎,發芽率高唔高?要種幾多種子先至保險d呢?

回復點評  15997#

huen923:  原來喺植物既分泌物....我仲以為喺蝴蝶既旦旦tim....學到野! 多謝
===========================

huen923及大家好!

<秋葵>嗰啲分泌物體葉底仲多出現架!(<洛神花>都有此狀況呢!)

蕃薯mo 發表於 2011-8-14 01:31
老師, 有花友可分享洛神花種子給我, 請問而家種可以嗎,發芽率高唔高?要種幾多種子先至保險d呢? ...

蕃薯mo,

<洛神花>最好就係體春天(三,四月)落種籽嘞, 再過多一两個月就開花結果啦!

係要種! 而家都可以落種籽嘅, 發芽率高低係睇吓你嘅種籽嘅質地好唔好嘅啫!


呢棵後備嘅<洛神花>而家得9吋高之馬!

我啲洛神花種籽就粒粒都發芽嘞! 而家5-6呎高囉, 高了了又有, 大大林又有.... 睇黎唔使幾耐就會有花冧嘞!





高了了







大大林

回復點評  15992#

ahc:  好靚呀! 燈籠椒d葉好有光澤, 點種ga? 我d無光澤ga
===========================

ahc,

種乜嘢都係先睇吓棵嘢啲葉靚唔靚就知種得好唔好啦!

點種? 冇特別格 -- 水足,肥夠,陽光多咪OK囉!  


睇吓呢幾棵<燈籠椒>及週圍嘅植物啲葉子幾咁翠綠油潤光澤照人先啦:











睇多幾張啦:

今日摘嘅椒椒!

睇唔睇得出呢度有幾種唔同嘅椒椒呢?


溫馨提示:
睇唔清楚唔緊要, 我啲圖張張都係大圖黎架,
體張圖度點擊一下, 再體右上角點擊實際大小就清楚啦!





回復點評

catcatduck好!
既然冇其他壇友有興趣猜,
噉恭喜你囉! 頭獎尊享洛!

<南瓜>啲蔓枝節位生咗啲附助根出黎....















啲附助根對瓜瓜生長梗有幫助啦!(<蕃薯>就相反所以要反藤囉!)

個<南瓜>膨大緊好快個袋袋就逼遍夾嘞! -- 換個42g大袋囉!

做多少少嘢就唔使憂中秋冇楊桃食啦!