乜都種吓嘅花園仔

回復點評
zoeyuhk :  唔好意思..又要打擾你啦... 想問下你d辣椒有無蚜虫問題呀??
========================================

zoeyuhk 及大家好!

梗係有啦! 辣椒俾蚜蟲侵擾係好平常嘅,
但唔緊要格, 噴吓<三益>或<綠油油>都搞得掂架,
我棵黑色指天椒先棑都試過有蚜蟲啦,
都係(跟說明書)噴咗<三益>就冇事嘞!
而家猛咁開花結椒, 幾健康吖! 嘻嘻!











Karine, 每種辣椒都有唔同嘅花色嘅! 細心睇吓都幾有趣架!

zoeyuhk, 我係幫襯元朗<衫兄>買嘅! 花墟<兄業>我諗有卦!
              逢噴藥問題必須按說明書辦! 唔明再問售者!

回復 donaldyh 的帖子

花老師您好嗎？很久不見~
最近先有時間開始睇返您D文咋！
想請問您如何有咁多泥去種野呢？
同埋D泥又要點樣合出好的泥種野呢？
我依家開始再種多D，剛好搭好棚種青瓜，點知唔夠泥用，都唔知邊度有好泥用呢？
可否介紹給我呢？
==========================================

當勞詹 好!

真係好耐唔見囉!
我花園用嗰啲泥主要係體N年冇種過嘢嘅菜地度挖架!

點樣揾到合適種嘢嘅靚泥?
我都話過先去啲大型花場買泥(多數係黃花泥)作基礎先(即係泥膽),
然後按不用嘅種植要求買啲另類嘅介質黎混合, 以期達到目的啦!

一般大型花場會有種植泥賣嘅, 以車以斗為計算單位, 以袋亦得,
仲可以話明需要種乜嘢叫花場溝好都得呀, 錢嘅問題啫! 嘻嘻!

回復點評

孖吉,
跟本上就係好容易嘅事! 又唔貴....
唔明啲壇友覺得好複雜噉, 點會亞....唔明?!!

仲有都唔知本壇點搞嘅,
既然有<點評>點解唔整個<回應點評>啵!!!

唉! 又有壇友話<無花果>唔使笠袋喎!
點解唔使? 係乜嘢理據至得架? <無花果>嘅皮咁薄, 果蠅同佢有親咩! 拮拮!!

隨便你地信邊個囉, 我就唔會亂黎嘞!
想食又大又甜嘅<無花果>就做多少少嘢啦! 嘻嘻!
















妹頭好! 顧住食唔記得影添, 過幾日有先再影俾你睇啦!

Alison好! 唔使急啵, 到咗一定時間就會膨大架罅!

回復 花園仔 的帖子

苦瓜啱啱講過冇幾耐之馬, 由地下上1000mm左右 (按瓜棚高低)
生長期間唔俾佢出側芽, 到位後摘除頂芽!
=====================

老師晚安,
苦瓜最初唔比佢出側芽以利日後多側蔓,
其實呢招係咪可套用於青瓜同節瓜絲瓜合掌瓜等攀架瓜類架?

回復 muitau 的帖子

老師晚安,
苦瓜最初唔比佢出側芽以利日後多側蔓,
其實呢招係咪可套用於青瓜同節瓜絲瓜合掌瓜等攀架瓜類架?
=====================================

妹頭好!

呢幾種瓜我未試過節制行動喎! 一路以黎都係採取放任生長架!

今日嘅<青瓜>

暴雨天氣帶黎嘅第一個<茄子>
我覺得佢幾靚仔吖! 你話呢?

我種意帖子乾淨企理有內容, 同樣種嘢都一樣....
希望種出黎嘅嘢首要靚仔! 嘻嘻!

<旭紅蕃茄>又黎囉!

呢棵種咗一年嘅<藤三七>個頭根有沙煲咁大架! 真誇張!

舊年五月



而家

晚安!

花園仔 發表於 2011-5-24 22:54
呢棵種咗一年嘅個頭根有沙煲咁大架! 真誇張!

舊年五月

老師好, 你既藤三七係唔係由珠芽開始種呢? 生得好靚好壯呀!!  
我剛剛幾日前先用珠芽放泥, 已有靚葉長出, 想種到好似你D咁靚, 有乜要多注意呢?  

回復 花園仔 的帖子

咁可否提供一下，您o係邊度買架？
同埋要預幾多錢一袋呢？
等我揸架車去買返我屋企先。
麻煩您了。

回復 donaldyh 的帖子

咁可否提供一下，您o係邊度買架？
同埋要預幾多錢一袋呢？
等我揸架車去買返我屋企先。
麻煩您了。
========================
當勞詹及大家好!

呢幾年好多壇友都問點樣買普通泥?

要買普通泥可以到大型花場(專做園林設計保養嗰啲)問吓啦!
逢有大型低密度屋苑嘅附近都會有嘅!  
例如元朗青山公路米埔段近錦繡花園加洲花園豪園附近....

其實種嘢最好用普通泥, 當然普通泥都有肥瘦架馬.
買翻黎嘅普通泥多數係黃花沙泥, 好似山邊嗰啲咁,
帶黃褐色濕嘅時候比較稀糊乾嘅時候又好實, 冇乜肥架!
N年前大概300蚊一車(四挖斗), 半車都有得賣架, 甚至一挖斗都得80蚊啫!
買翻黎咪按自己需要揾其他介質好似科學泥咁溝吓佢囉!
叫花場幫手溝好都得格, 加錢囉....


時間久遠我好多資料都流失咗洛....
(因此以後唔會再答呢啲問題嘞, 唔好意思!)

壇上好多網友應該買過嘅! 你開個帖子問佢地攞資料仲實際啦!

回復 Peggy 的帖子

老師好, 你既藤三七係唔係由珠芽開始種呢? 生得好靚好壯呀!!  
我剛剛幾日前先用珠芽放泥, 已有靚葉長出, 想種到好似你D咁靚, 有乜要多注意呢?
=====================================

Peggy 好!

梗係用珠芽種快高長大啦!

用盤種都可以種都好靚架, 不久前我都有貼過盤仔種嘅相格!
注意嘅係最好用大啲嘅盤多啲泥, 水份足, 氮肥夠....
咁樣棵嘢啲葉又濃又密架罅!

不過, <藤三七>好怕熱! 開完花後會休養生息架!

呢棵種體花槽嘅<藤三七>提早開花呀!

花老師,

唔好意思, 想問下呢, 早前一場大雨令到我棵青瓜瓜仔同葉片都轉黃, 仲有少少白粉病跡像, 請問可以點救佢呢 ?

回復 Karine 的帖子

花老師,

唔好意思, 想問下呢, 早前一場大雨令到我棵青瓜瓜仔同葉片都轉黃, 仲有少少白粉病跡像, 請問可以點救佢呢 ?
=========================================

Karine 好!

瓜瓜啲葉轉黃係好平常嘅事!
多數係由底部向上黃化(衰老吖馬),
同時因為底葉衰老抗病力弱, 往往容易俾病菌入侵先架!
瓜瓜仔轉黃甚至跌果原因好多嘅, 天氣, 水份, 唔夠陽光都會架!
授粉唔成功或質量差, 被害蟲叮過, 營養不良....亦有可能嘅!

我嘅對付辦法係剪走黃, 老及殘葉, 噴藥保健....
用乜嘢藥可以到<病害蟲篇>出帖問吓格, 嗰邊多....嘻嘻!

爬上平架嘅Y牌<壽司青瓜>

晚安!

回復點評 15490#
C.C  上面咁白既? 好似同之前果d唔同....淺色d既?
===============================

C.C 及大家好!

嗰個茄子好正常啵! 我嘅茄子靚仔啲啫!
白色部份表示個瓜瓜好嫩, 仍有膨大嘅空間,
到咗白色部份減少或消失即表示個瓜瓜老囉!

呢個茄子仲有棑大架!

有壇友問茄子嘅<有效花>或<無效花>係點樣嘅,
佢地梗係冇睇過我嘅帖子嘞!

再貼出黎睇吓啦:

記得睇圖時請順手體張圖上點擊一下,
再體右上角按一下<實際大小>放大啲清楚好多架!

而家正係栽種<茄子>嘅好日子呀!

呢段時間<茄子>無論用乜嘢種都開花結果啦!