回復 nhf 的帖子
花老師，你好呀。 多謝你用圖片來顯示移苗换盤的過程，等我呢D新手一看就明，好過用文字長篇大論。不過仍有些問題請指教。
我想你圖中下那些是基肥吧？有些書教人換盤時先下基肥與1/3泥土混合，然後再下1/3間土，最後才把苗放下，再鋪上1/3泥土。這樣做是防止肥料發酵傷到苗根。但我看你圖中那些肥料位置頗接近植物的根部，不怕發酵時傷根嗎？另外，追肥時下肥的份量與圖中的一樣還是一半就夠呢？如種在田中追肥份量如何釐定？可能你之前有提及這些肥料問題，但成700幾頁，真喺追到氣咳兼眼攰，重未追完...........謝謝﹗
=========================================
nhf及大家好!
體敝帖講過好多施放基底肥嘅嘢嘞!
我呢次移苗係鬚根纏滿泥塊, 基本上冇郁過棵植株,
移盤時墊底泥土冇加基底肥嘅, 將植株泥塊嘅泥面定位後,
就體圍邊放上泥土於植株泥塊頂部下1吋位,
體外圍四點放上已發酵嘅雞屎肥及鉀肥, 利用其位置泥土撈勻,
然後體面上冚翻平泥土至植株泥塊頂部半吋, 淋水完成!
當每次淋水時, 泥土內嘅基底肥會溶解滲入泥土當中,
就算植株泥塊底部泥土都會得到肥料滋潤架,
植株移種後纏滿嘅鬚根會向外圍伸展吸取養份,
噉樣佢需要嘅肥料就可以即時滿足到嘞!
基底肥份量主要係按肥料說明書去施放嘅,
日後追肥亦係大概如是, 亦會按植株生長情況加以調節!
嗱, 你睇吓當日嘅蕃茄而家係點啦:
|
顯身卡
