草莓乳酪芝士凍餅

整開芒果杯，順便整個草莓乳酪芝士凍餅。其實係我本來就唔係幾鐘意食芒果，冇理由有得整，無得食，所以就整多個自己鐘意食嘅餅
味道當然比芒果杯好味啦

     

＊＊6吋活動模＊＊

餅底材料：

清蛋糕          1片

牛油紙         1張(模底用)

芝士餡材料：	忌廉芝士         200g
	砂糖                   20g
	原味乳酪        150g
	草莓茸            100g
	魚膠粉                8g
	水                      50g

餅面材料：

草莓茸適量

做法：	1. 模底加牛油紙，清蛋糕放入模內備用。
	2. 魚膠粉加水拌勻，用熱水坐溶待涼備用。
	3. 將忌廉芝士加糖打至滑身。
	4. 將草莓茸、乳酪及魚膠水拌勻。再將草莓餡加入忌廉芝士餡拌勻。
	5. 將芝士餡料倒進模內。
	6. 將裝飾用的草莓茸放在餅面上，用牙籤挑出花紋，放入雪櫃雪約2-3小時至凝固。
	7. 把蛋糕脫模即成。

注意事項：	砂糖份量：取決於草莓酸甜程度，再自行加減。
	蛋糕脫模：用風筒吹模邊可助脫模，再用杯放模底昇高，慢慢把蛋糕昇出。

  所需材料

      
  清蛋糕面層及底層片去，再橫片成三片(只須一片餅底            魚膠粉加入飲用水拌勻，用熱水坐溶待涼備用。
  用)，再修邊，要比餅模細約2cm。

      
做餅前1-2小時先從雪櫃取出忌廉芝士。切小塊較易打。         將糖(分兩至三次)加進忌廉芝士打至滑身即可。

      
                                                                                     草莓茸加入乳酪拌勻，取約1/3加入已放涼的魚膠水拌勻，
                                                                                                                  再把拌勻了的草莓餡倒回碗內與餘下的草莓餡快手拌勻。

      
  把草莓餡料加入忌廉芝士拌勻。                                                    將已拌勻的草莓芝士餡料倒進模內，放濕布在底澄平。


  即時做餅面裝飾，把草莓茸放一點在餅面上，用牙籤
   挑出花紋，放入雪櫃雪約2-3小時至凝固。脫模即成。

如草莓茸有多可再做餅面裝飾(此裝飾可做可不做)。
做法：適量草莓茸加入魚膠水(約1茶匙魚膠粉+約1湯匙水，用熱水坐溶待涼)拌勻，平鋪在餅面，放入雪櫃雪約1-2小時至凝固。脫模即成。

[ 本帖最後由 ハマナス 於 2008-4-27 12:51 編輯 ]

你冇 教整 面頭 果 d 红色 啫喱 喎！

原帖由 八王爺 於 2008-4-27 11:39 發表
你冇 教整 面頭 果 d 红色 啫喱 喎！

你唔講我都唔知無講，加返喇！
哩個餅好低卡，唔使戒口架！啱晒王爺你！

[ 本帖最後由 ハマナス 於 2008-4-27 12:58 編輯 ]

老实講我都 好识整餅，我会 唔落 cream cheese，咁仲低卡！

好想食呀, 最衰老公唔鐘意食芝士, 都係買俾自己食算喇

非常仔細的解釋

又有圖

加兩分至arm

原帖由 krista 於 2008-4-28 10:36 發表
好想食呀, 最衰老公唔鐘意食芝士, 都係買俾自己食算喇

唔食芝士？ 人生一半乐趣都冇咗！

原帖由 八王爺 於 2008-4-28 06:22 發表
老实講我都 好识整餅，我会 唔落 cream cheese，咁仲低卡！

王爺 ~ 有 low fat cream cheese 喎,口感都係差唔多 ~

cream cheese bagel 超正

香港好似無人賣bagel禁得意既