家中花糟淪陷~~

今日一返到屋企,本來打算去睇睇早2日落大雨所剩落黎既積水蒸發晒未...
點知.... d 水有增無減.....
嚇到我即刻將d花花草草帶離'低窪地區'...繼而走去問母親大人...
'咩今日有落過大雨咩?'
母親大人答'無呀...做咩事?我幫你淋過花之麻...'
oh~~my god...早2日先落完大雨...d花花一早飲飽晒水...
根本就唔需要再淋住...再細心d睇...唔係喎....d小苗d盆連泥都飛埋出黎喎...
再細問母親大人...佢用咩黎淋花...佢居然答...'我見裝冷氣機漏出黎d水果個筒水滿左,
就順便用黎淋花囉(佢係拎起個筒...兜筒淋落d花同小苗度 )...唔好'晒'麻...'
oh~~~oh~~~oh~~~該剎那...我真係好想破口大罵...耐何果位係母親大人...
我可以點...
就係因為一個懶惰既母親...(懶得拎住個筒去廁所倒水)我個花糟就咁就壯烈犧牲左啦...


p.s. lameric,難得你share2粒飛機草種子比我...我見到果盆飛機草...
連泥都飛左大半出黎...睇黎都已經係'與水同眠'啦....我感到好心痛之餘,
仲覺得對你唔住呀....

唔知點解，冷氣機漏出黎d水，
滴到D花都會死。
你今次一定傷亡重。

節哀順變啦

頭先再去試察'災場', 雖然有大部份花花係墊高左...
唔會比水浸住...但都恐防有'爛根'既危機...
最傷亡慘重既係d小苗同落左泥既種子囉....
好傷心呀....
最慘係...唔可以發火....

RIP

原帖由 littlejojo 於 2008-4-21 21:41 發表
頭先再去試察'災場', 雖然有大部份花花係墊高左...
唔會比水浸住...但都恐防有'爛根'既危機...
最傷亡慘重既係d小苗同落左泥既種子囉....
好傷心呀....
最慘係...唔可以發火.... ...

好 (凳) 你難過!!!

比我幾日訓唔著, 慘劇!!!!

好慘傷亡慘重

好彩尋日出好猛太陽....蒸發左好多水....
到今日見到大盆既植物都無咩事....尋晚仲去買左個
架....墊高晒d植物....
而於d小苗....每盆死少少....都仲有少少剩....
但最心痛既係....花友lameric share既2粒飛機草種子,
已經隨水而去.. 不知所踪囉.....
呢個係最遺憾既....其他小苗死左都唔緊要....
因為自己買既都仲有麻.....唉.......

原帖由 littlejojo 於 2008-4-23 20:49 發表
好彩尋日出好猛太陽....蒸發左好多水....
到今日見到大盆既植物都無咩事....尋晚仲去買左個
架....墊高晒d植物....
而於d小苗....每盆死少少....都仲有少少剩....
但最心痛既係....花友lameric share既2粒飛機草種 ...

唔好咁傷心喇，今日我棵飛機草有幾粒種子成熟左，送比你喇，寄個回郵給我吧 。

原帖由 Monse 於 2008-4-24 00:56 發表


唔好咁傷心喇，今日我棵飛機草有幾粒種子成熟左，送比你喇，寄個回郵給我吧 。

多謝晒你呀...monse~~~