Phoenix Leung
48 歲
他 在 港 島 東 一 超 級 市 場 賣 花 ， 但 客 人 都 叫 他 做 「 醫 生 」 ， 因 為 他 每 日 在 工 作 時 間 為 植 物 義 診 ， 分 街 症 （ 逢 週 一 至 六 下 午 二 時 至 六 時 ） 和 急 症 （ 其 他 時 間 ） ， 更 將 自 己 手 提 電 話 號 碼 （ 9102 9185 ） 設 為 廿 四 小 時 緊 急 支 援 熱 線 ， 以 救 草 為 己 任 。
年 輕 人 鍾 意 玩 自 殺 ， 但 我 連 條 草 都 當 寶 ， 因 為 我 死 過 。
我 六 歲 因 感 冒 菌 入 心 瓣 ， 得 了 風 濕 性 心 臟 病 ， 做 過 兩 次 大 手 術 ， 要 成 世 食 藥 ， 自 此 不 可 做 激 烈 運 動 ， 亦 不 敢 講 理 想 ， 十 七 歲 更 因 心 跳 亂 要 做 電 震 ， 震 第 二 下 就 展 開 奇 幻 旅 程 … … 我 以 零 點 五 秒 速 度 像 被 吸 入 一 個 隧 道 ， 四 圍 東 西 由 彩 色 變 黑 白 ， 隧 道 盡 頭 是 一 道 強 光 ， 穿 過 強 光 就 是 漆 黑 寂 靜 一 片 … … 醒 來 已 是 五 小 時 後 ， 醫 生 說 我 心 臟 停 頓 過 ， 才 知 死 亡 是 這 般 近 那 麼 遠 。
這 次 重 生 ， 我 決 定 盡 用 每 一 秒 ， 改 英 文 名 Phoenix （ 火 鳳 凰 ） ， 日 間 到 酒 樓 賣 點 心 ， 晚 間 到 大 一 讀 設 計 ， 還 考 入 李 惠 利 讀 機 械 繪 圖 當 平 面 廣 告 美 術 設 計 員 ， 又 去 馬 會 兼 職 當 廚 師 。 近 十 年 對 園 藝 愈 來 愈 有 興 趣 ， 便 轉 行 做 花 王 ， 偶 然 客 人 拿 著 盆 栽 給 我 救 ， 便 漸 漸 當 上 草 醫 ， 圍 裙 成 了 我 的 手 術 袍 ， 剪 草 鉸 剪 就 是 手 術 刀 ， 大 垃 圾 桶 是 植 物 的 停 屍 間 ， 將 垃 圾 桶 蓋 反 轉 ， 就 是 我 的 應 診 病 床 。
我 希 望 藉 著 救 草 ， 教 人 珍 惜 生 命 。 即 使 公 司 只 叫 我 賣 花 賣 盆 栽 ， 但 客 人 半 夜 打 來 求 救 ， 我 義 不 容 辭 ； 「 病 人 」 體 積 太 大 ， 我 索 性 出 診 。 植 物 病 了 不 懂 表 達 ， 很 多 時 伴 屍 幾 星 期 也 不 知 … … 但 不 幸 經 我 certify 後 ， 很 多 主 人 眼 尾 也 不 望 ， 留 低 條 屍 就 走 。 就 算 可 以 用 雞 尾 酒 療 法 去 醫 （ 即 抗 生 素 加 殺 蟲 劑 ） ， 客 人 亦 嫌 幾 十 蚊 藥 費 太 貴 ， 寧 願 「 要 盆 唔 要 草 」 ， 買 過 棵 。 有 些 又 種 得 孤 寒 ， 連 買 包 泥 也 慳 ， 跑 去 山 邊 掘 ， 結 果 種 死 不 特 止 ， 還 惹 來 一 屋 蛇 蟲 鼠 蟻 。
大 部 分 盆 栽 的 死 因 都 是 淋 水 太 多 ， 「 浸 瓜 」 了 ， 但 缺 水 一 樣 死 ， 像 人 。 我 的 生 命 也 缺 了 點 水 分 。 緣 分 未 到 ， 至 今 我 仍 是 孤 身 一 人 ， 兄 弟 姊 妹 各 有 家 室 ， 家 中 一 條 草 也 沒 有 ， 我 是 唯 一 生 物 。 幾 十 年 來 我 最 怕 放 假 ， 要 四 圍 求 人 俾 盆 栽 我 醫 來 打 發 時 間 ； 每 晚 刨 植 物 醫 學 書 籍 ， 撐 到 兩 三 點 才 睡 ， 是 我 怕 半 夜 紮 醒 太 空 虛 寂 寞 ， 只 願 一 覺 瞓 天 光 。
植 物 ， 可 醫 ； 寂 寞 ， 難 治 。
 |
提升卡
置頂卡
沉默卡
喧囂卡
變色卡
顯身卡