蕃茄與白粉虱

唔知點解種親蕃茄都會有白粉虱 O既出現, 以前用過辣椒水, 辣椒水加蒜泥水, 蒜泥水, 白醋加水, 而尋日用O左火酒(開水稀釋)都係唔得......
見到有板友話一隻隻捉, 但係成幾百隻.......四維飛....... 真係冇晒符

其實眼不見為乾淨, 之但係食到D葉又黃又枯仲生埋蛋, 好難忍......   

有朋友話用硫磺可以除虫, 但係又驚對蕃茄唔好, 想問聲各位有冇D咩好提議可以搞掂D白粉虱?

試過用花墟買O既農藥, 白色加藍色粉開水, 好似叫"大滅虫"之類, 都係唔得............

白粉虱 只要用 苦楝油 就可以了。各大 園藝店、菜種行 有售，有機又對多種蟲害有效。

中國人最出名就係 土法鍊鋼：椒水/蒜水，得唔得？有時得，但係唔得的時候問題己經一發不可收拾，錯失防治良機。其實啲呢嘢有效範圍好細，好多情況都唔合用，如果冇種開嘢用來救急可以一試，但我唔會長期花時間整呢啲乜水物水囉~

另外補充一句，酒精開稀係冇用咖，酒精至少要 60% 以上才有用 ... 土法就係咁，你要用得好，其實要識更多嘢，不如正正經經用有機農藥，留啲時間種好棵植物好過。

夏天好多蟲，每星期噴一次苦楝油可以逹到防蟲效果咖，試吓啦~

孖吉 發表於 2012-5-13 10:28
白粉虱 只要用 苦楝油 就可以了。各大 園藝店、菜種行 有售，有機又對多種蟲害有效。

中國人最出名就係 土 ...

見到好多板友話得   原來係唔得, 咁唯有有D堅O野啦~~~ 多謝賜教