本帖最後由 己己另 於 2020-7-9 08:21 編輯
見Freddy嘅IQ題咁好玩,我都出番條情境題,估啱嘅版友會有小禮物。題目係:
"最近坐車出獅隧時想起一件往事。事情發生係大約三十年前嘅一個下午,係前往獅隧出九龍方向,有一架貨車跌左兩筐食材落馬路。貨車無停低,可能係因為交通太繁忙,亦可能係果個粗心大意嘅司機根本唔知出左事。後面嘅車亦無停低,轆過D食材。然後有人報警,警察黎到時認為路面情況好危險,立即封路。
跟住到我出場。三十年前嘅己己另仲係學生,每日由九龍入沙田番學。呢一日唔記得點解坐左架平時好少搭,經獅隧嘅巴士番屋企。架車去到沙田圍新村因為封路停低左,以為係交通意外。我去到呢個唔熟悉嘅地方真係不知點算好,只好跟隨其他乘客落車,去前面行人天橋過馬路去番沙田再算。
經過事發現場時,只見到兩個爛左嘅竹筐,而警察舖緊砂係一地嘅糊狀物上面,再聽到幾個巴士大佬吹緊水,先知發生咩事,亦不得不認同當時路面情況真係幾危險。
記憶很神奇。多年來,坐車經過獅隧無數次,都無再想起過這件事。匆匆光陰如幻,以為一件小事的記憶,像時日總未逗留。潛藏已久的記憶驀然現身,告訴你它和其他同伴多年來一直沒離開過,然後悄然而去,剩下茫然的我。"
以下就係問題:
I. 題目入面插入左幾首八十年代廣東話流行曲嘅歌詞/獨白。請講出其中兩首歌的名字。
II. 點解揀左呢個故事?因為由貨車跌落路面嘅食材係一種植物嘅果實,算係同園藝館有丁點關係吧。呢種果實大家都應該食過,可用於中西菜式,不過有D人食左會出現嚴重生理反應,甚至死亡。估下呢種植物叫咩名。
III. 點解當時路面情況好危險?
禮物方面是迷岩HCY's Tropical Island,希望大家不要嫌棄。
開花照
遊戲規矩
這遊戲只是臨時執筆寫出來,背景故事雖是事實,但設題上可以出現多個合理答案。我有絕對決定權選出勝出者。
沒有額外提示,請根據已有資料推理。
遊戲到7月6日星期一中午截止,最快答對三條題目的版友勝出。如果無人完全答對的話,我會選出答案最接近的參加者。
參加者可在截止前修改答案,但答案以最後修改時間作準。
如果只想參與不要獎品,歡迎pm我答案。我會一併揭曉。
送出的植物只能面交。
|