本帖最後由 jellyfishy 於 2011-7-11 12:15 編輯
係喎, 台灣人教的梳打粉+皂碎洗衣粉, 對我呢d 大懶人, 實在太多工序了.
我個做法係:
1. 兩份大滾水一份皂碎放入玻璃樽 (我的皂碎, 不是很碎, 用手整爛佢咋, 快麻)
2. 浸個多小時, 皂會溶掉大半.
3. 每次洗衫, 著量加入皂水, 記得也要加入梳打粉, 若只下皂水, 洗衫會有皂垢問題, 對洗衣機機件不好啊. 我份量一般係20g 梳打粉左右和50ml 皂水, 看衣服污衊指數啦~
4. 用到咁上下, 我會繼續加大滾水入樽溶皂, 哈哈~~ 真係好鬼懶的方法~
為了衣柔滑d, 洗衣去到第二轉水時, 我會加入檸檬酸, 一樣, 要視衣量和水量而定. |