石子的多肉露養記

中秋返黎賞星星~


祝大家能人月兩團月，中秋快樂

上星期五返咗天台一趟...
想念呢片海和天


立秋後轉天氣，千佛手同佛珠相繼陣亡。竟然最熱時生得好好，淋雨後就瓜

相反肉肉小苗淋過兩次雨都竟然冇事

應該捱多個幾月天氣就會涼爽啲~

有啲品種，每論天熱、落雨都冇事，仲好靚，可能雜交品種比較強壯

呢棵可能係雪蓮雜

其他靚靚嘅品種：


皮氏錦


雪精靈


京童子


棒葉不死鳥


巨形魯氏


更巨嘅白鳳


瘋長嘅鑲邊到手香

新收割

絲綢面沙

一閃一閃小星星：


原來服咗盆嘅十二卷比景天好渡夏，淋雨都冇咩事。呢棵春末先上盆，而家根已咁長


雖然話夏天休眠，但應該係一降溫就會生長

little_stone 發表於 2019-8-3 11:59
謝謝師兄讚賞！
因為之前控水，損失一堆護盆草，擬石蓮就比往年好，不過呢排落雨又大風，全部都淋咗雨， ...

確實露養最忌雨水，雨水之後再來直射陽光，那就人都病，何況植物

taxitang 發表於 2019-8-2 19:12
景天度夏較難，但師姐的多肉好似冇乜大影響，好功夫

謝謝師兄讚賞！
因為之前控水，損失一堆護盆草，擬石蓮就比往年好，不過呢排落雨又大風，全部都淋咗雨，唔知下星期會變咩樣

景天度夏較難，但師姐的多肉好似冇乜大影響，好功夫

八號風球過後~

好彩冇吹走/吹跌啲肉肉，不過大雨就打爛咗棵藍豆

大風都吹起哂啲遮雨罩，所有肉肉都淋哂雨囉



而家暫時冇事，希望唔好升溫太快啦，如果唔係就真係化水啦


慢慢長大嘅星星


寶草錦側芽越黎越大


普西麗菊開花

琴日返咗天台一趟~

事隔兩星期，控水嘅肉肉都變菜包，更加唔敢淋水，怕根已乾，一淋水會c哂：



而家暫時都ok, 唔知捱唔捱到過夏天


有啲放陰影會稍微俾雨水到嘅肉肉都還可以：


新玉綴令我意想不到咁健康


呢個要開花lu


寶草錦有側芽


金魚大送嘅小苗就有啲暗淡，因為又熱又缺水


太陽花熱到摺起哂


仙人球夏天生長期，精神抖擻。爪爪家族就熱到甩咗好多葉


雖然夏天係星球屬嘅生長期，但小苗好似都唔係太頂得順高熱，生長緩慢


大部分全露養嘅竟然都死唔去，除咗滇石蓮、同護盆草（大姬星美人、旋葉姬星美人）。黃金萬年草有遮陰都c埋，應該係受到控水嘅影響~ 之前入夏就即死嘅仲有：小球玫瑰、白霜、紅霜。喜冷嘅長生草屬都唔太健康。仲有就係換盆換得太遲（真係過咗2月都唔好換盆）、因根系不良而死嘅小和錦、貓眼石、水晶壽，原本仲諗住夏天前換個大啲嘅盆，點知服盆前天氣就變熱。同期換盆嘅大和錦、荷花就仲殘存咁....真心感受到適者生存


粉紅粉紅嘅不死鳥錦，再曬再熱都唔怕


臥地延命草，原來都唔怕熱&曬&濕


白雪姬錦，太曬，曬到變紫

violet_bb 發表於 2019-6-25 23:36
唔怪得呢排唔見女神上館啦，女神加油呀！渡夏後又可以見到女神的靚肉肉！ ...

渡夏後可能淨返好少

taxitang 發表於 2019-6-25 22:34
好事，有遮雨阻光的花棚，一定事半功倍，等睇好肉。

不過唔知九龍區有冇呢？唔想入新界，好遠

little_stone 發表於 2019-6-25 14:49
唉唉唉，好熱好熱
呢排又發生咁多事，都冇哂心機打埋肉肉

唔怪得呢排唔見女神上館啦，女神加油呀！渡夏後又可以見到女神的靚肉肉！

little_stone 發表於 2019-6-25 14:49
唉唉唉，好熱好熱
呢排又發生咁多事，都冇哂心機打埋肉肉

好事，有遮雨阻光的花棚，一定事半功倍，等睇好肉。

唉唉唉，好熱好熱
呢排又發生咁多事，都冇哂心機打埋肉肉

今日返咗去一個鐘上下
發現露養有三盆都中咗白絹菌... 兔兔、大姬星美人同jelly beans family （應該仲有其他放地下嘅肉肉中招）
上網爬文得知應該係泥土太耐冇換，夏天落雨高濕就生菌啦，真係討厭

放花架有遮雨嘅肉肉就還好，冇咩事：

不過好乾下，但都唔敢淋水，怕一淋就c
唔知捱唔捱到去秋天呢？

真係再唔減產，下年就要租花場搭個遮雨棚啦

lamkaicheung 發表於 2019-5-29 21:08
撐住呀石子，過埋個夏天又有大把靚肥肉睇啦，一起加油呀！

一齊加油
而家係仙人掌、星球屬生長季，所以都有肥肉平衡下嘅

little_stone 發表於 2019-5-29 18:17
一個星期又過下，update下先：

撐住呀石子，過埋個夏天又有大把靚肥肉睇啦，一起加油呀！

一個星期又過下，update下先：


















天陰陰，冇咩動力打字~
話時話今個夏天天熱好奇怪，個幾星期好熱好曬，跟住個幾星期係咁落雨。

小蘑菇 發表於 2019-5-25 00:43
係咪 鸞鳳玉 BB? 細細粒， 好得意啊

係呀係呀，謝謝賞玉

little_stone 發表於 2019-5-24 10:21
呢排發生好多事，都未得閒記錄...
以下字多圖少，慎閱

係咪 鸞鳳玉 BB? 細細粒， 好得意啊

菜妹 發表於 2019-5-24 13:25
精簡後要戒"淘", 同老公商量下睇下可唔可以入晒屋，可以全部轉水種照燈養，如果成事一個書架應該放得晒。
...

好呀，我都有諗過喺園藝館開帖問，如果之後知道天台大修日期，就會開帖徵地
戒淘實在難，不過而家都戒咗好多，轉移視線買英文書俾呀囡

精簡後要戒"淘", 同老公商量下睇下可唔可以入晒屋，可以全部轉水種照燈養，如果成事一個書架應該放得晒。
亦都可以搵相熟又有露養條件花友寄養，或者問一下有冇花友有地方俾你搬晒去玩，俾返少少租金水費。館內咁多人未必唔得，我以前都係種朋友屋企塊田，仲免費係度分享塊地同館內花友一齊玩。有獨立天台既花友都唔少，唔怕醜出貼問下冇壞，或者有花友可以提供到其他可行方法解決。

呢排發生好多事，都未得閒記錄...
以下字多圖少，慎閱

話說秋天時發現兩年冇翻盆嘅露娜蓮底葉不斷枯乾，懷疑根部已經生爆盆。不過因為冇咁喜歡露娜，就冇急住同佢翻，排到好後，排下排下，到四月初見佢葉片有不正常枯萎，中心點亦有，心諗，今次應該有大獲嘢...可惜嗰時冇為意有幾迫切，因為實在有太多嘢喺四月頭發生啦
結果又拖到四月尾，一起盆，發現根粉介！咁嗰時就連土dump咗佢！可怕嘅係，一星期後我再返天台，發現達摩兔中心點有異樣，一碰之下，全部葉都甩哂，又中根粉介！嗰時達摩兔喺露娜嘅斜下方，懷疑會唔會係比露娜傳染。煩嘅係，達摩兔用長方盆種，同盆仲有黃金兔同孫悟空！達摩仲要喺正中



因為5月頭咁啱有幾場大雨，起盆時發現根粉大部份都沖到地下，好嘔心... 不過可能正因俾雨水沖走，黃金兔同孫悟空都未中根粉...

同時，因為秋季淘太多，有啲細盆仔都擺咗地下，嗰位仲係比較焗，到五月中有棵（酥皮鴨）焗出介殼蟲，咁今次就有殺錯，冇放過，成籃肉肉（有十幾盆）全部起出黎洗根，老公都有幫手。

嗰時洗完根，大家都好攰啦，肉肉就放樓梯口晾乾，前日先領返屋企水培渡夏。放咗差不多10日，除咗喜水嘅夢椿甩哂葉救唔返，其他都尚算ok



前日返天台鼻屎苗除咗一棵月影系有啲軟（水太多），其他苗苗暫時都ok



夏季係仙人球屬嘅生長期，小苗比景天小苗適應得好：

近鏡：



景天：



兩棵蛋殼苗紅唇c咗（雨水滿滿）、8cm盆嘅小玉就甩咗好多果凍葉。秋季曬出黎嘅果凍葉如果唔漸進式咁遮陽，而係一下子移到陰處，好多時候都會好似小動物換毛咁勁甩葉。之前腊牡丹都係咁，不過佢夠大棵，冇事，小玉就好細，仲啱啱開完花，都唔知救唔救得返

渡夏冇難度嘅啫喱糖家族，每年夏天都要影下黎安慰下自己



今個夏天都會係曬下泥、出售下冇咁鐘意嘅肉肉，同將某啲肉肉送俾住元朗嘅朋友，等佢喺花園種。希望清多位、希望可以清走埋個書架、希望秋天有多啲肉肉用大盆種，咁就可以直接放地下。不過聽講遲啲天台會大修，到時就需要搬走哂啲肉肉啦，都唔知會放邊，而且我諗都會幾大工程

記錄暫時係咁多