2017年的套筒，長筒

其實不用這樣緊張
我未曾有過植物因根粉介而死
反而就有因藥害而死

Vinia 發表於 2017-7-31 16:32
你咁講就放心些，咁我都可照樣種。不過現盆栽的生死大權都不在我鐘意與否或選擇之內，因有些好鐘意的品種 ...

不如送畀可以落毒嘅花友 將來收番d葉呀，蟲呀，再來過

紅豆包 發表於 2017-7-31 15:32
球根同鱗莖唔會特別惹蟲，發叔賣AV的，所以佢會咁講，要換哂所有盆，明白你真係好攰，不如選些特別喜愛， ...

你咁講就放心些，咁我都可照樣種。不過現盆栽的生死大權都不在我鐘意與否或選擇之內，因有些好鐘意的品種巳經不起消毒換泥掛掉。故種得的都有感情，所以若消毒完仍可存活，我都照舊會繼續種。
不過都多謝你的支持鼓勵！

Vinia 發表於 2017-7-31 10:57
應該唔關你分享的大岩桐和買的花貓事，我估係花泥或在繽繽買的盆栽，因我之前在繽繽買不少盆栽，有時買返 ...

球根同鱗莖唔會特別惹蟲，發叔賣AV的，所以佢會咁講，要換哂所有盆，明白你真係好攰，不如選些特別喜愛，又容易處理的留下...不要沮喪，加油

angela819 發表於 2017-7-31 09:49
你的蟲害是否我給你的一堆植物所誘發的, 如是, 真的不好意思. 不過我未見過我的植物有這些蟲,又可能我有我 ...

應該唔關你分享的大岩桐和買的花貓事，我估係花泥或在繽繽買的盆栽，因我之前在繽繽買不少盆栽，有時買返來太夜無即時換泥隔日才換，而且我無危機感，之前換盆時見到有棉花蟲，只是簡單用清水沖洗，無去根和用漂白水加洗潔精消毒，結果中伏都不自知。現才浮現出來
因之前未試過咁情形，昨日去請教發叔。佢就叫我只種紫羅蘭，唔好種太雜。我估佢意思有球根和有鱗莖的植物較容易惹蟲害。但真的唔捨得如佢所言丟掉，一來種咗都有感情，二來有些我買得都唔平，尤其在上生都買唔少，每棵都過百元。所以才post上來睇下有否花友都曾中招有何解決問題？是發叔講嚴重咗，抑或有球根和有鱗莖的植物真的較容易惹蟲害？
（玫瑰我就肯定咗，所以都狠心丟棄了）。

B17 發表於 2017-7-7 22:58
係我嗰堆？係就太成功啦，兩個月就開花

B大, 是的, 這堆蟲蟲是來自你的

Vinia 發表於 2017-7-7 18:47
angela819之前分享的Achimenes Grandiflora 'Robert Dressler'終於開花。第一次由鱗莖種到開花好有成功感 ...

估唔到, 咁快就可以開花,早知, 種到而家睇下的花先送出去啦,   這堆蟲是B大的分享

你的蟲害是否我給你的一堆植物所誘發的, 如是, 真的不好意思. 不過我未見過我的植物有這些蟲,又可能我有我都不知道, 因我見的植物不妥時, 我會掉了就算.
又或好似其他師兄姐的說法一樣, 剪了些枝條沈水再種, 其他部份全部棄掉就算啦.
正如其他花友的看法一樣, 當學了一課. 而且我個人而言, 你家中真的太多植物, 可能是時候減少一些, 要拾得 人才也會開心些, 又或下次種得越來越多時分享給別人, 等別人幫你分担清理的工作

小雷子 發表於 2017-7-30 21:59
樓主！真係好明白你心情！你有咁多植物，耍逐一逐一清毒，換泥，仲要不停洗嘢，一定辛苦到死！分開慢慢做！ ...

多謝你支持加油。不過辛苦係其次，最傷心難過的是消毒去根換泥後，棵植物之後經唔起折騰死咗

auch 發表於 2017-7-30 20:41
我落毒，好年冬對根粉幾有效

又試過實驗性質的灌苦棟油落泥，可以趕晒一堆根粉介出來喺底碟度，到時一網 ...

因為屋企有小朋友和隻狗， 如非必要唔想用殺蟲藥。聽講好年冬都幾毒。所以今日發叔話我若唔驚，都可以免費俾些殺蟲藥水和粉俾我，但講明係有毒。所以我都唔敢要。擔心自己未用過，唔識用，影響埋屋企人和寵物

樓主！真係好明白你心情！你有咁多植物，耍逐一逐一清毒，換泥，仲要不停洗嘢，一定辛苦到死！分開慢慢做！支持你！加油！

Vinia 發表於 2017-7-30 19:15
其實有無花友都好似我咁樣受棉花蟲禍害？最後如何善後？真的忍心丟掉些盆栽，抑或用洗潔精水噴可終治？
我 ...

我落毒，好年冬對根粉幾有效

又試過實驗性質的灌苦棟油落泥，可以趕晒一堆根粉介出來喺底碟度，到時一網打盡; 但這樣做對植物的根部影響多大我就不清楚了

pekklewin 發表於 2017-7-30 20:00
覺得插水方便D, 好快出根, 不過之後都用泥種番

你剪枝條是用cutter嗎? 只要cutter清潔, 應該好易插的 ...

我係用水仙刀，都有消毒

紅豆包 發表於 2017-7-30 19:58
相信園藝館有啲花友，都曾經試過種綿花蟲，我都試過，當時都忍心掉咗，差不多100盆AV.....花死花還在，當 ...

咁慘！100盆咁多！肉赤心痛死！換轉我肯定要消極頹一段日子才有心機想種返嘢

Vinia 發表於 2017-7-30 19:20
我試過剪下花貓枝條插水，最終都係萎靡爛掉，反而用珠石和金泥可成功生根。所以昨日巳剪下好多花貓枝條都 ...

覺得插水方便D, 好快出根, 不過之後都用泥種番

你剪枝條是用cutter嗎? 只要cutter清潔, 應該好易插的

Vinia 發表於 2017-7-30 19:15
其實有無花友都好似我咁樣受棉花蟲禍害？最後如何善後？真的忍心丟掉些盆栽，抑或用洗潔精水噴可終治？
我 ...

相信園藝館有啲花友，都曾經試過種綿花蟲，我都試過，當時都忍心掉咗，差不多100盆AV.....花死花還在，當經驗，以後帶新花返來，一定要消毒隔離

pekklewin 發表於 2017-7-30 18:33
消毒後, 貓可插水養住先, 迷岩頂芽可用zip噴濕袋住, 都可發根架, 再慢慢種番
...

我試過剪下花貓枝條插水，最終都係萎靡爛掉，反而用珠石和金泥可成功生根。所以昨日巳剪下好多花貓枝條都係用珠石金泥扦插，而迷岩頂芽我試下你這方法。唔該晒

其實有無花友都好似我咁樣受棉花蟲禍害？最後如何善後？真的忍心丟掉些盆栽，抑或用洗潔精水噴可終治？
我現買了2大袋泥，但現都不知從何入手。原來屋企太多盆栽真的未必係件好事

紅豆包 發表於 2017-7-30 18:41
可留意下底碟，有無綿花蟲爬出來，就知有無中綿綿，當然有心機的話，每盆倒泥膽出嚟睇吓 ...

其實都唔見底碟底有蟲，係要拔出植株才見到

紅豆包 發表於 2017-7-30 18:34
綿花蟲多數係泥入面，可剪下枝條，再隔離清毒，舊泥同盆棄掉

舊泥巳掉，盆唔捨得，不過有用漂白水浸消毒