茄子開花一問

大家好~小弟初黎報到~我家中的茄子有一兩朵花~如果咁請問其後有咩注意？要人工授粉?多水多肥?
望各師兄指教！謝謝~~

1)佢日抖朵花打開時(晚上會摺埋左)用綿花棒幫佢授粉,!!
2)留意佢一開花就會繼續開,你可以剪左第一朵成功授粉ge果以下ge葉,等佢有多d 養份!!
3)用竹幫佢支撐住,果大左會重
4)茄子好食肥,兩星期落一次肥,我自己就鍾意拎d 海藻肥溝水(大約1:200)兩三日落一次
5)小心茄子都有可能有臍腐病,可以落定d 骨粉o係邊,(有人會落旦殼,但殼多氮唔知會唔會唔好,因為多氮都會引至臍腐,有無人解答到呢??)
6)記得用套呀,小心比d死野搞!!@.@hehehe

補充:如果佢第一個果已經生o係頂,唔好剪哂佢以下d 葉呀,自己就住剪
如果我講d 野唔岩麻煩ching 更正,因為我都係玩左兩個月,我驚分享錯野整死大家d仔仔女女呀>.<

謝謝師兄教授~~~等我返去試下先~