本帖最後由 manda 於 2012-4-11 15:03 編輯
大家好,我大半年前開始係屋企種植,仲係初哥一名,希望大家多多指教 ^^
蕃茄
2011年9月中開始發芽既蕃茄仔,宜家開左好多果,
不過粒粒都好細粒,細過一毫子... 有D已經開始轉色喇, 唔知會唔會冇得再大,
係我施肥唔夠,定係剪葉剪得太狠?
薄荷
呢盆薄荷亦係2011年9月中開始發芽, 一開始個陣,葉係深綠色的, 枝係深綠帶紫。(見第2張相 - 同一盆黎架! 剪之前換過大盆)
但係上個月 (2012年3月) 我見佢再生長出黎既枝葉又枯黃又幼細,
所以就誤打誤撞, 試下一次過剪晒佢,再加左一次肥。點知大半個月佢宜家生番晒出黎,
不過就變得淺色好多,呢個D枝都係淺色的。我都唔知點解。
今日剪左D大片既落黎,煲瘦肉旦湯,味道又OK wor。
我都唔知淺色同深色有冇分別, @.@ 有冇人試過?
薄荷 (大收割後變淺色了)
|