新手幾問

1. 爬文見到話修葉或者側芽都係徒手啪斷塊葉或側芽，點解呢？

2. 點解剪落黎嘅葉要先風乾切口先好插葉呢？如果係浸水的話，係咪就唔使等呢？(因為我冇hi-fresh的)

3. 我有一塊浸緊水嘅葉 (optimara little moonstone)，係好唔容易先得返黎的，但係經過一輪舟車勞頓，佢好似支持唔住了......我見佢葉尖有少少軟，已經剪走左嗰部份，不過好似情況未有改善...... 唔知有冇咩方法可以再急救下佢呢？

4. 我見你地都會去花X買三合一泥，請問三合一泥同一般喺超級市場賣嘅紫羅蘭專用泥有咩分別呢？

5. 啱啱買返黎嘅花苗 (e.g. 花X買一送一苗)，一般係咪最好個零星期就同佢換泥換盆呢？但係如果買返黎嘅時候見到有小小嘅花苞，咁係咪應該等到佢開完花先好動土呢？

6. 最後，請大家幫忙睇睇我呢棟無名AV......

買佢返黎開完花，隔左一年好唔容易先等到佢再開花，(office唔係冷氣長開啊)，但係佢有好幾粒苞都係好似幅圖紅色圈住嗰度咁，無端端枯左..... 我都灰左...... 到底點解呢？唔夠營養？但係唔係話有花苞時施肥會消苞嗎？咁我應該點做呢？

希望大家可以幫下我丫～～～唔該晒～～～

1. 爬文見到話修葉或者側芽都係徒手啪斷塊葉或側芽，點解呢？
唔一定要徒手啪斷塊葉或側芽,因為要話比你知可以咁簡單地修葉,和可以令塊葉的傷口細一點,而側芽最好用界刀....

2. 點解剪落黎嘅葉要先風乾切口先好插葉呢？如果係浸水的話，係咪就唔使等呢？(因為我冇hi-fresh的)
因為葉要先風乾切口可以止血,防止爛莖(即插葉失敗)
浸水可以唔風乾切口

3. 我有一塊浸緊水嘅葉 (optimara little moonstone)，係好唔容易先得返黎的，但係經過一輪舟車勞頓，佢好似支持唔住了......我見佢葉尖有少少軟，已經剪走左嗰部份，不過好似情況未有改善...... 唔知有冇咩方法可以再急救下佢呢？
咁葉莖有冇軟哂?

4. 我見你地都會去花X買三合一泥，請問三合一泥同一般喺超級市場賣嘅紫羅蘭專用泥有咩分別呢？
花寶三合一泥有(泥炭土,珠石,金泥+珍珠岩)
超級市場賣嘅紫羅蘭專用泥  冇珠石

5. 啱啱買返黎嘅花苗 (e.g. 花X買一送一苗)，一般係咪最好個零星期就同佢換泥換盆呢？但係如果買返黎嘅時候見到有小小嘅花苞，咁係咪應該等到佢開完花先好動土呢？
你可以即刻換盆(可以用發泥)
有花蕾的可以開花先換盆
如果想為av苗著想請把花菖去掉及換盆(當av夠大時會自然開花)

至於第六點
可能空氣濕度引起

Breeze  學習中 ..... XD

我也是.....
大家一齊努力啦....

小野貓  edward你聽日都去學習啦...準時到丫~你會帶咩比我?  
??

咩呀!!!有事咩....
今日天氣真好喇

edward 發表於 2012-3-9 20:10
1. 爬文見到話修葉或者側芽都係徒手啪斷塊葉或側芽，點解呢？
唔一定要徒手啪斷塊葉或側芽,因為要話比你知 ...

好多謝你耐心解答呀～

1. 爬文見到話修葉或者側芽都係徒手啪斷塊葉或側芽，點解呢？
唔一定要徒手啪斷塊葉或側芽,因為要話比你知可以咁簡單地修葉,和可以令塊葉的傷口細一點,而側芽最好用界刀....
哦，我仲以為係咁樣"天然"啲分開佢地有特別用意添，咁即係我用較剪修葉都冇問題呢。咁修葉應該喺邊個位落刀呢？應該剪邊層葉呢？我剪最底即年資最耐嘅葉，用較剪放到盡量埋到主莖嘅位置剪可以嗎？

2. 點解剪落黎嘅葉要先風乾切口先好插葉呢？如果係浸水的話，係咪就唔使等呢？(因為我冇hi-fresh的)
因為葉要先風乾切口可以止血,防止爛莖(即插葉失敗)
浸水可以唔風乾切口

3. 我有一塊浸緊水嘅葉 (optimara little moonstone)，係好唔容易先得返黎的，但係經過一輪舟車勞頓，佢好似支持唔住了......我見佢葉尖有少少軟，已經剪走左嗰部份，不過好似情況未有改善...... 唔知有冇咩方法可以再急救下佢呢？
咁葉莖有冇軟哂?
莖未軟，但葉身就開始軟喇，我係咪應該直接插泥呢？

4. 我見你地都會去花X買三合一泥，請問三合一泥同一般喺超級市場賣嘅紫羅蘭專用泥有咩分別呢？
花寶三合一泥有(泥炭土,珠石,金泥+珍珠岩)
超級市場賣嘅紫羅蘭專用泥  冇珠石
我明白珠石可以疏水通氣，不過媽媽種岩桐所以買左一包喺度，所以都想用左先。咁營養黎講呢？係咪兩者本身都係有營養，靠之後施肥呢？但係如果係花X買嘅苗，本身用開嘅泥同超級市場賣嘅紫羅蘭專用泥唔同，我唔敢貿然換泥呢。

5. 啱啱買返黎嘅花苗 (e.g. 花X買一送一苗)，一般係咪最好個零星期就同佢換泥換盆呢？但係如果買返黎嘅時候見到有小小嘅花苞，咁係咪應該等到佢開完花先好動土呢？
你可以即刻換盆(可以用發泥)
有花蕾的可以開花先換盆
如果想為av苗著想請把花菖去掉及換盆(當av夠大時會自然開花)
就好似上面咁講啦，我唔敢貿然換泥住，由其係我未買三合一泥。
點解為av苗著想就要將花菖去掉同換盆呢？我有少少唔明白，花苗而家出到花苞，唔係即係等於呢個盆嘅環境適合佢生長架咩？
另一方面，新手買有花苞嘅花返黎，都係想短時間內見到下有花，等佢開完先再搞，唔捨得去掉花菖咁狠心呢......

至於第六點
可能空氣濕度引起

新手問題真多，希望大家唔好嫌棄我啦～～

大家都係交流學習

哦，我仲以為係咁樣"天然"啲分開佢地有特別用意添，咁即係我用較剪修葉都冇問題呢。咁修葉應該喺邊個位落刀呢？應該剪邊層葉呢？我剪最底即年資最耐嘅葉，用較剪放到盡量埋到主莖嘅位置剪可以嗎？
用界刀會好d,而作繁殖最好用d莖粗d的....而落刀最好近主莖的位置.....

莖未軟，但葉身就開始軟喇，我係咪應該直接插泥呢？
你盡力救佢啦....不過我會先浸根約1cm後上盆

我明白珠石可以疏水通氣，不過媽媽種岩桐所以買左一包喺度，所以都想用左先。咁營養黎講呢？係咪兩者本身都係有營養，靠之後施肥呢？但係如果係花X買嘅苗，本身用開嘅泥同超級市場賣嘅紫羅蘭專用泥唔同，我唔敢貿然換泥呢。
其實兩隻泥都無肥,金泥只係幇助生根
其實花寶苗的泥,系花寶有得賣(即發泥)$2x

就好似上面咁講啦，我唔敢貿然換泥住，由其係我未買三合一泥。
點解為av苗著想就要將花菖去掉同換盆呢？我有少少唔明白，花苗而家出到花苞，唔係即係等於呢個盆嘅環境適合佢生長架咩？
另一方面，新手買有花苞嘅花返黎，都係想短時間內見到下有花，等佢開完先再搞，唔捨得去掉花菖咁狠心呢......
咁你如果你要即時換盆最好將花菖去掉,因為咁樣苗可以容易d適應
至於你話(花苗而家出到花苞，唔係即係等於呢個盆嘅環境適合佢生長架咩？)
係d av苗適應左發叔的環境,所以先出花菖,
唔係合你的環境
冇錯你可以買苗返黎唔換盆等花開完先換,不過你要隔離先,唔知道有冇問題....
E個係買新苗換盆的目的

edward 發表於 2012-3-10 00:28
哦，我仲以為係咁樣"天然"啲分開佢地有特別用意添，咁即係我用較剪修葉都冇問題呢。咁修葉應該喺邊個位落刀 ...

莖未軟，但葉身就開始軟喇，我係咪應該直接插泥呢？
你盡力救佢啦....不過我會先浸根約1cm後上盆

>>咁即係應該點救呢??

BRONNLEY 發表於 2012-3-10 00:44
莖未軟，但葉身就開始軟喇，我係咪應該直接插泥呢？
你盡力救佢啦....不過我會先浸根約1cm後上盆

我本身就係浸緊水呀，所以誤會左你話盡力救佢係仲有啲咩其他野可以做呢~~

我都有你依盆花,
都係吾知佢叫咩名...