唐樓天台Happy Farm~

因家住上環唐樓有天台，咁梗係唔好浪費啦~一於種多d野
但以前屋企人都唔多識種....d泥瘦到呢....所以由上年開始自己堆肥

之前種左棵楊桃幾年都唔食得，D果又澀又乾.....
但轉左有機肥既泥再加骨粉施肥之後，雖然唔算大個果，但都幾甜下，一年有兩三次食，都幾好玩~

跟住上年開始買左D香草
香蜂草(上個月剪得太狠，死左...)
Rosemary，點解好似好稀鬆咁架呢....前排落大雨死剩哩棵....


鋪地香，都唔知入面有幾多棵，剪完又不停生，非常粗生，唔洗打理


薄荷，又係剪得太狠，但生命力好強，咁都仲生得到~


到手香，網友分享ge~插枝好易出根，已經剪過一次要o黎浸冰糖，對喉嚨痛好有效！


印度鬼椒，種得好差.....前排一直都淨係開花但結唔到果......
而家換盆再種.....生左好多葉，可能氮肥太多？唔知仲會唔會開花呢...
左手面仲有兩大盆龍利葉，不過冇影XD


今年想種返d農作物，一開始係發左迷你蘿蔔同黃色既蕃茄仔先，但可惜....因為d種太舊(上年ge)....只有蕃茄仔發到芽，蘿蔔全部都失敗=.=
8月14落種

8月16發芽

22號出第一對葉

9月7日就生到咁樣喇，而家一星期落一次有機液肥


用發泡膠盒試種櫻桃蘿蔔同埋意大利生菜，9月8日晚播種，今日(10號)已經有半數櫻桃蘿蔔出左芽喇


9月8日播種既橘果香(百里香)第二日就發芽，快得過份~


一直都好想自己種秋葵食，見人地6"盆都種，好貪心咁落左5粒種子，全部第三日開始發芽(9月7日)


最後仲有種o係同楊桃同一個盆既九層塔~

住唐樓已經好, 仲要有天台真係好好好!!!

好開心見到秋葵，因為呢度花友介紹我一食就愛上～希望你既快ｄ結果喇！！

我都種緊秋葵,都係用盆種,不過因為我個度唔夠陽光,唔係好大,依家種咗2個月, 大約尺半到高呢幾日都見到有花苞啦.

Try to plant some vegetables that can eat.
You will enjoy more and healthy more.
ha ha..........

我都系住唐樓有天台, 不過我主要種植有花花GE植物