由啱啱結果到變紅色, 五至七個星期左右啦.
如果你D番茄仔以經差唔多full size嘅話, 我諗到一個方法, 都幾痴線同埋有D實驗性, 但係可能會work㗎! 係用水種法吊著棵番茄條命一陣, 俾多少少時間D番茄仔成熟.
首先成棵番茄連根攞返屋企(盡量唔好整斷D根), 用水洗走D泥, 之後搵個水桶用少少水浸著根腳. 唔好將D根浸哂入水wor, 唔係就會即死! 之後放喺有D光不過冇太陽曬著嘅地方, 等佢唔會再繼續生長. 每一至兩日加水, 加返到之前個水位. 葉仲有D綠色即係仲未死, 可以擺多陣. 當成棵嘢以經變哂啡色就掉得㗎啦. (係咪好痴線le!)
仲有, 如果未摘頂同埋摘哂淨番D花同花lum就盡快啦.
|