本帖最後由 crystie 於 2011-5-5 16:38 編輯
大家好,我是新人 crystie,
一直好喜歡植物,成日行花墟,好鍾意被d綠色花草樹木包圍的感覺。但我對種植認識好少,唔知點開始,如果問花店d老闆,佢地盆盆都話易打理,我都試過種死左d植物…好慘…希望今次認認真真比多d耐性去打理好佢地
我買左呢盆非洲紫蘿蘭一個月左右,因為唔識施肥,半個月左右全部花謝晒!後黎我剪走左d枯枝,換左盆,施返肥,佢開返第一朵花,但係佢都好似好虛弱咁…d花好似細左,葉好深色、唔太綠…而且生左好多葉…依家洗唔洗修修d葉?
都係一個月前買的心形毬蘭....之前係CC Super 見到呢隻心形葉,覺得好得意,再去花墟搵,買返黎時有4塊葉,其中一塊買時無睇清楚有一個洞(被另一塊葉遮住),似比蟲咬過,好快成塊爛晒,不過好似無'野'到其他部份,好快生多左中間的一支莖同2塊葉,不過新生出黎果2塊葉有d奇怪…唔係平面gei,係拱起左....佢支莖會唔會再生出葉?有咩方法令佢個形狀生得靚d?
請教上圖植物名字。昨日在盆栽店買到,覺得好靚好歐陸feel 就買了,店員都係講左d好易種,唔洗太多陽光之類gei龍統野…個價錢牌寫住「金雀俐」我諗住返到屋企上網search 下,點知無資料…希望大家幫幫我啦~
最後一盆係花墟度被人叫做綠地球的盆栽,但佢好似有個正式d gei名…??? |