本帖最後由 比得大帝 於 2011-2-27 22:13 編輯
(由"內地電話行騙案"主題分拆)
真實個案
對方[喂]
朋友[呀, 勇表哥呀?]
對方[係呀, 哩排點呀 ..........]
朋友[....] (相方講咗幾句]
對方[方唔方便借兩萬蚊]
朋友[冇問題]
對方[我俾朋友個戶口你, 你匯入去吖, 佢叫黃志強, 戶口......, 我星期五落嚟搵你飲茶]
於是朋友叫佢阿媽去匯, 佢阿媽見個仔叫都唔理乜事, 就去中銀匯咗兩萬入黃志強戶口. 第日個人打電話嚟話收唔到, 於是朋友叫佢阿媽去中銀查, 中銀話匯出咗, 於是佢阿媽叫個仔打電話問對方,
個仔回覆話 [佢兩個電話都冇人接]
佢阿媽問 [點解兩個電話]
朋友話 [勇表哥話佢個電話唔見咗, 借咗人地個電話]
佢阿媽心都涼埋, 知道衰咗, 於是去中銀搞咗一大輪, 中銀以私隱為由唔理, 後嚟話要報警, 中銀先肯查, 真係傻人有傻福, 原來對方個戶口係 '王志強' 唔係 '黃志強', 畢錢匯唔出.
你地一定話哩佢蠢, 話埋俾你知佢做乜嘢工, 你會話[唔係呀? 死蠢?]
佢係一名在職警察.
還有少少下文, 星期四哩個人又打話嚟問收唔到錢, 朋友支吾以對, 叫佢落嚟飲茶再講, 講咗幾句後,
對方話 [我係騙子, 我呃你錢, 我唔會落嚟飲茶] 收綫
|