有個真實故事, 唔知係對美國海關的正面定係負面評價:
有個美國公民在香港買咗個金勞返美國
海關人員見到問佢: 你個錶幾靚噃, 買咗幾多錢呀?
美國公民唔知係為咗避稅又或者單係講下笑, 就話: 唔值錢嘅, 假嘢嚟咖
海關人員話: 睇我睇吓
美國公民諗住, 佢未必睇得出, 又或者睇得出就只好補稅啦, 就除咗個錶俾佢
海關人員睇都唔睇, 放隻錶响枱面, 然後從抽屜攞個鐵鎚出嚟, 一嘢就將隻十幾萬港銀嘅錶打爛, 將碎片掃入抽屜
然後對美國公民話: 美國係唔可以帶假嘢入口嘅
美國公民唔知點反應, 佢知投訴都冇用, 因為佢見到抽屜內早有好多名錶碎片 |