社區園圃 - 馬陸及潛葉蟲(2010.12.05開新田記錄)

8月執死雞找了另一個康文署的園圃，幾位園友新丁的田都被馬陸困擾包括我幅田吖，導師教用苦楝粉再蓋薄薄一層泥、淋水再焗田，如是者一星期又一星期，但牠們仍然存活啊！導師意見是無密封焗田及近日雨水多。我已用竹+入滿水的膠樽四周壓住蓋田的黑色垃圾膠袋(vv)"

現在我們只好見一條捉一條吖！

問題︰
1. 曾嗅到隔離園友用漂白水，但我不想破壞有機耕種，如上面提及外，還可用其他方法治馬陸嗎？
2. 上星期一已把培了3星期的苗(兩顆絲瓜苗及4顆青豆苗)移播入園圃，今天發現有數片葉有潛葉蟲，我已剪掉及噴了開稀的苦楝油，如下星期情況仍然，是否要掉再培苗？
3. 4株青豆苗每片葉有好好好好多孔 ，甚麼原因？
4. 每株只得6片至9片葉，是否正常？(約2米高)
5. 而節與節間約15cm，是否不正常？牠是追光引起嗎？因牠處的位置陽光好猛烈，我用了遮光布置頂而引起嗎？是否certify可以掉棄了？
6. 上次園圃種的莧菜全軍覆沒；但今次撒苗後，今天(一星期後)長了幼苗，原本無心機再去園圃，現有小小安慰。 馬陸是不是食幼根？

新丁多問題，謝謝各位大大幫忙！

上次第一次參加社區園圃的收成，泥足深陷‥‥

問題︰
1. 曾嗅到隔離園友用漂白水，但我不想破壞有機耕種，如上面正題提及外，還可用其他方法治馬陸嗎？
都係見一隻捉一隻, 有根除根, 有腐葉根除葉根, 種前翻土石灰太陽晒佢幾天

2. 上星期一已把培了3星期的苗(兩顆絲瓜苗及4顆青豆苗)移播入園圃，今天發現有數片葉有潛葉蟲，我已剪掉及噴了開稀的苦楝油，如下星期情況仍然，是否要掉再培苗？
唔需要, 試下重覆上星期的動作, 剪和噴~

3. 4株青豆苗每片葉有好好好好多孔 ，甚麼原因？
有蟲咬, 如果影響不大的我會有得佢~

4. 每株只得6片至9片葉，是否正常？(約2米高)
有冇相片?

5. 而節與節間約15cm，是否不正常？牠是追光引起嗎？因牠處的位置陽光好猛烈，我用了遮光布置頂而引起嗎？是否certify可以掉棄了？
有冇相片?


6. 上次園圃種的莧菜全軍覆沒；但今次撒苗後，今天(一星期後)長了幼苗，原本無心機再去園圃，現有小小安慰。 馬陸是不是食幼根？
是蟲咬引致全軍覆沒?

多謝回應吖(v.v)

第一次種喎，有收成就影相；現在又馬陸、又潛葉蟲、又多孔‥所以根本無想到影吖‥下星期day off去園圃影相給您幫幫眼！

上次因為無做資料搜集，諗住買種子就去花墟xx買；莧菜撒播園圃，萬壽菊、非洲菊、迷迭香花盆仔培苗，但兩星期找一條莧菜‥‥都無吖！只得萬壽菊就種得好靚囉！

園友話我買莧菜這一個牌子出芽率超低、其他就不知原因呀？

她介紹專程去元朗黃xx買了有包裝的青瓜及散裝的苦瓜種子囉

星期一去園圃，真係慘不忍到，剪完又再噴苦楝水；
4顆青豆已經無藥可救了，忍心的剷起了

馬陸其實不太影響種植成果的, 你可以在泥面洒d茶籽粉
在葉面的蟲咬咬, 唯有每次去到採收完後打一點農藥/辣椒+蒜水
地圖蟲不太嚴重,剪走部份葉然後噴苦煉或綠油油之類礦物油~

其實你可以加個防蟲網,咁會好好多~
希望幫到你啦~

馬陸其實不太影響種植成果的, 你可以在泥面洒d茶籽粉
在葉面的蟲咬咬, 唯有每次去到採收完後打一點農藥/辣 ...
小寶 發表於 2010-9-2 10:04

謝謝您！
上星期四我係UNY其中一間consignment 「x生坊」買咗兩包茶籽粉$3x/包。我拎咗1包到園圃直接洒係泥面，但今日一共捉了廿多條馬陸及十幾集比保濟丸還細粒窩牛，我全放係水樽超恐怖，是否無效呢！今午再放多一包洒在泥面，相隔5天會否密呢？唉！今晚紅雨會否前功盡費呢！
青豆已經上星期一起了出來改種了迷迭香小苗；兩顆絲瓜的潛葉蟲都係無改善(已噴了辣椒水)，今天差不多剪哂d葉啦！
莧菜開始有窿，指天椒頂開始有卷葉及枯黃
唉！只有僅存的1顆香茅、2顆九層塔、1顆香蜂草仍然靚仔
係米要起哂再去焗田(v.v)"

對農夫真係佩服得五體投地，我的小小園圃都攪到甘‥沮喪ing

留定係剷呢？？？無花出吖！！還有個半月就收田lu

你以已經好好,都有2X條青瓜,我得2條炸,苦瓜得3個細細個.所以你好好啦.

Hi grand
係吖第一次學人種野，有甘成績真係開心家，並吸引同事話要參觀我的園圃喎；我有的園友一條壽司青瓜滕，每個節位都有瓜，超勁吖；今次種絲瓜，還想偷師跟她一樣方法種‥不摘頂，剪去側芽‥但今期的絲瓜就‥‥一朵花都無，園圃還有廿日收田，係上兩個星期已忍心與絲瓜say good-bye，我把沒有給潛葉蟲侵佔的靚葉放係堆肥箱，而附近的植物無敵辣椒、不知名的薄荷及送給您的香蜂草係最靚吖！
問過好多專業意見，有可能太多氮肥(導師看見那些大大片的葉定論)、不適合夏季種植(老農夫話初春係較適合)、可能係變了種(園藝班導師給予的意見)。
齊齊從錯誤中學習吧！
您種的木瓜好野喎摘咗頂阡插就得，well done！基坊園圃有朋友種了三顆約1尺多木瓜，大約係五月開始時種的，您種了幾耐時間吖？？？要幾耐才有木瓜可以溝鮮奶飲吖‥

我斷左個棵木瓜大約5月時我從農場移植到43樓天台,9月斷左,11月分為2棵,不過在農場個D木瓜已經食左啦,我個D都未有積像有花,我有另外2棵係由核開始,人地話由0開始起碼要2年先有果呀?我想問咩嘢叫氮肥呀?

花生麩含豐富的氮肥喇

以下資料希望幫到您吧！-->去料
種芥菜、綠豆、苜蓿等豆科植物可提供氮作用，下種後2-8星期再鋤入泥土‥‥
好處
- 可將空氣中的氮轉化成氮肥留在泥中
- 會被兩水帶走的養份保留
- 壓抑雜草生長
- 生物繁殖.......

氮肥
功能︰
- 構成蛋白質成分
- 促進根的發育、莖葉的伸長及增加葉綠色
- 促進養分吸收及同化作用的旺盛
缺乏︰.......
過量︰......

資料提供︰周兆祥:<有機耕種理論與實踐>，頁14, 19。

THX ,我會試下.

剷除了的絲瓜，用剩餘時間撒播菜心(第一次種)，有收成喎莫非如導師所講氮肥太多！so我的堆肥桶仔都吾再落餘廚，留待今個星期開田做基肥lu







就連附近 曾種到 C 咗的青豆，補種咗四季豆各1粒，現死剩1株



綠薄荷、香蜂草(起了出來與園友交換)、胡椒薄荷、朱古力薄荷都靚咗好多添

上次你比我個D薄荷死左,你下次有的時間可以留比我得唔得呀?

邊隻 c 咗呀？還是三種都‥
吾緊要啦，我下個月5號收田時，留比您呀！

後日另一個社區園圃開田啦‥
做定預備，儲餘廚(差不多每晚榨汁)
浸香蕉皮水及海帶水、買、團購及上網訂了一些種子
園友割愛送了好特別的紅色秋葵好味道吖
噢！應該留種吖佢好似吾多點(>.<)"
so諗住三月時一定要種紅色種秋葵
但去了太子、上環、元朗、上水都揾吾都
上網都係揾吾到紅色呢隻品種
但比我係網上找到「佢」期待ing
拿拿臨發芽星期六開田移苗lu


今次一定落苦煉粉打底
不過第一次係嚟處種都無馬陸
翻泥時重發現好多蚯蚓超「正」

我好貪心,3種都想要,多謝你先.

見你種D菜心好靘,我種D芥蘭2個月啦,重係UN支支,重有潛葉虫.

我好貪心,3種都想要,多謝你先.
grand 發表於 2010-11-19 13:23

今日day off去社區園圃施水肥，今天第一次見Judy園友的澎湃蕃茄田及蘿蔔田(她是第一次耕種已經有甘大收穫好叻吖！)，太開心得滯忘記要留給妳，與她交蕃茄大苗添，

拿拿臨拿鏟掘出來‥弊！無地方容身‥哈‥哈‥好貪心啊！只好取回家留待明天到另一個園圃開田種吧！