到大埔一轉，帶著一堆問題回來

今日，亞魚走左入大埔，去左花友介紹既永x隆買種子，
買左西生菜、唐生菜、通菜、60日菜心
有冇花友有興趣要種子？
另外，呢4種菜可以係呢個時候種嗎？
買左先留意呢個問題=.=
另外，再走左入嘉道理走左轉，
問題來了.....
同行朋友問︰「用屋企水喉水種菜，到底d菜食唔食得架？」
我冇諗過唔食得...佢話農夫用山水種菜，係天然...屋企果d加左野...
咁到底答案係咩呢？咁多位花友幫幫手吧...
問題可能愚蠢，但仍想高人指點~
另外，係嘉道理買左包堆肥~
話要1:1咁用....咁咪要用好多肥囉？？
我係露台種野...唔係田種....所以唔多明....
再另外，我第一次學種菜，用既係「靚土」，
有花友話可以加d沙落去一齊用，咁會好d，
仲話記得要買「淡水」，唔好買「咸水」
我去到五金鋪，老細話冇咸淡之分....咁我仲買唔買好-.-??
最後，係嘉道理買左本書，講有機耕種既知識，
睇完都仲有好多野唔明.....
有冇花友介紹一d書仔俾我呢？

一大堆問題.....請賜教。

我都冇諗過呢D問題, 但我都係用水喉水, 有時用洗米水, 但用黎洗米果D都係水喉水, 落雨仲會淋到雨水......但我岩岩食左自己種果30棵唐生菜.......我....仲未死

反而我想問, 咩係靚土, 成日都見有人提起呢樣野....

HAHA~好like果句「仲未死」~

而靚土~係牌子名掛.....佢個包裝大大隻寫住「靚土」~
我果時係旺角唔知頭唔知路咁走左入一間鋪頭
買晒所有野~泥+工具+種子+肥+盆~~
亞姐介紹我買「靚土」

農作物種植時間表（10年10月24日更新）
http://www.hkplants.com/forum.ph ... 1&fromuid=12419

你可以去E度睇呀!

我之前都試過心急得制, 上年係E段時間, 種過通菜, 但D苗唔多正常, D葉係淡黃色,
最後係5月左右開始種, D葉就正常返LA~係綠色的~

回復 青蛙媽媽 的帖子

唔該晒^^

其實我見有d書話通菜3月可以開始下種~
諗住買定都差唔多....
好多網站and書既information都唔多同~
不過，exp.最實際~
咁我都係留返5月果段時間先種通菜吧~~

回復 亞魚 的帖子

不過, 有時, 真係唔多明白, 我前幾天去食車仔麵, 見到佢地有深綠色幼莖的通菜,
佢地話個D係泰國通菜, 有D人話一年四季都有, 但白色粗身通菜一定係夏天先有~

我都見書上寫番茄要3~4月落種子，夏天收果實!!!同個時間表不同，最有可能係大多種植書都係台灣出，氣候唔會啩?
現在天氣唔好，又濕又凍又冇陽光，發左芽都要死...希望明天會多d陽光啦~
最好有陽光暖d先落種，發芽率都會高d~

我係圖書館借個E本書都好多野睇!

我唔係好乖, 都冇咩睇而家岩時候種咩, 想種咩就試下咁LOR

我都係新手, 12月先開始種野, 第一樣種既係唐生菜, 當時個包裝袋仲只係得"生菜"2隻字!! 我連自己種緊咩生菜都唔知!! 我覺得幾易種, 因為12月到而家, 都有好多好凍既日子, 但D生菜都種得幾OK, 或許你可以由呢個開始先

我而家仲種緊櫻桃蘿蔔, 羅馬蕃茄, 白菜仔, 今晚仲一時興起MEET 左個蒜頭黎種

種唔種到唔緊要, learn from the experience~~

種海無涯
唯試是岸

青蛙媽媽 發表於 2011-2-21 00:56
回復 亞魚 的帖子

不過, 有時, 真係唔多明白, 我前幾天去食車仔麵, 見到佢地有深綠色幼莖的通菜,

你好 深綠色幼莖的通菜 其實係菜檔既名係 青通菜
而白色哪一種就叫白通菜

以我所知因為泰國既天氣係比較熱
生產出來的青通菜唔同中國呢邊
因為青通菜是入秋開始種(大概)
係呢個時候買到既白通菜 會唔靚
而去到冬天係出邊既餐廳只會落order 要 青通菜
因為白通已經停牌
白通菜 好似 旱通菜 因為比較愛夏天!

回復 llaus 的帖子

收到！亞魚會繼續努力！

回復 威~ 的帖子

剛發現，我包種子出面寫住「青通菜」....
秋天先適合種....咁我咪要等下年....

回復 mirry 的帖子

我都有買唐生菜同西生菜~
黎緊就會試種喇^^
到時再話你知結果~
THANKS你既意見呀~哈~

回復 青蛙媽媽 的帖子

唔該晒~等我抄低佢先~聽日有時間去圖書館走一轉~

回復 swyyvonne 的帖子

我諗天氣應該轉好吧~
因為我個鼻敏感開始黎料~
晚晚冇覺好訓....
所以~應該轉暖了~HAHA~
當然~都係睇天文台好D啦~
哈哈~

早晨！雖然話天氣未夠暖不易落種，但我上星期落種既櫻桃蘿蔔已經全部出芽，仲係100%

回復 mirry 的帖子

其實我都有一棵櫻桃蘿蔔~
果時得4粒種子~
有3粒發芽
最後得一棵長大~
都仲未食得~
因為我唔敢整開D泥睇~
有花友話櫻桃蘿蔔大個就會伸個頭仔出黎~
我都而家都未見到佢個頭仔~
AHAHAHA~

回復 亞魚 的帖子

你種左幾耐呀？