先自我介紹一下
小弟種開香草, 時間都吾短但系講經驗真系麻麻
唔知應該系邊個區開post, 所以如果錯位請幫幫手移post (thank you)
因為搬屋關係之前多了一小後院, 因此要買泥
而因為第一次唔識, 個"師傅"一聲話"得啦我系專家"就幫我鋪晒D好沙既"土"
佢叫呢D做"黃花泥", 我發覺果D全都系沙但因為父親較要面所以佢話點就點
無追討下我買翻D"花泥"就溝泥用
on 居居 蒙下蒙下原來香草較喜歡沙土, 加翻D花泥+塘泥有翻營養種得都不錯
之後後院加大剛剛又遇上一"師傅", 呢個師傅真好老實而且有來頭
原來以前系大陸種番鼠為生的, 佢教我: 泥有"黃花沙", "黃花泥"....而吾系我之前所唸既一種野兩種叫法
佢話黃花沙比黃花泥貴, 兩者都無乜營養, 但黃花泥系好cheap既野, 鋤到痴線都未種倒野
ok.....到呢刻我想搞清楚,
a) 香港尼講, 普遍大家買沙買邊種
b) "黃花沙", "黃花泥" 大家有圖嗎? 因為今次師傅話就話比"黃花沙", 但感覺似泥多D
c) 網友問開, 我再問人check check價錢, 知道黃花沙10零蚊至50蚊都有(1包), 想知大家的價錢大概多少
d) 你地種農產品, 用咩泥?不計算肥, 會溝D乜?
e) 到現在, 我的知識範圍真的好狹窄, 因為香草對泥的要求真的很低, 我只知道有
i) 塘泥 (就是池塘底的泥, 營養豐富可當肥料用, 但非常杰而且野蚊, 如有需要要鋤碎用)
ii) 花泥(黑色) (感覺好似科學泥, 營養豐富, 種乜生乜, 但唔溝其他野雨後會局親D根)
iii) 花泥 (淺啡色) (好似好多死去既根溝埋一齊, 營養比黑色既差, 但好輕, 感覺好似有好多有機物資)
iv) 黃花泥 (據師傅話就系用泥做"湯底"既泥, 平(cheap), 無咩營養, 落雨後非常硬)
v) 黃花沙 (應該系我用開既沙, 溝落其他泥可讓整體疏水, 而且落大雨後都不會重答答)
vi) 科學泥 (好容易操控既泥, 種乜生乜, 吾需要特別去溝任何野, 但我不會選擇因為我系種農作物尼食)
vii) 粗沙 (不肯定叫什麼, 粗過黃花泥但幼過石頭, 每粒都大過原子筆頭(1cm), 我會用尼鋪盆底)
viii) 石頭 (如種仙人掌之類不用施肥又怕水既植物, 我會鋪盆底)
我想大家更正一下我所知既野, 因為以上都無認真做過任何research, 所以一定有好多野錯
而且如果大家有圖片, 請upload上來教下我
無限感謝
補充一下: 我想總結問下:
如果用尼種農作物的:
泥(土)普遍有多少種?
沙普遍有多少種?
石普遍有多少種?
[ 本帖最後由 gtrnismo 於 2008-7-15 16:57 編輯 ] |