思行妹妹菜田 - 冬季作業

大家好! 話說今年夏天好熱，爸爸同媽媽決定在我們的天台上安裝自動灑水散熱，等晚上大家有覺好訓。不過佢地又話驚浪費食水，不如順便種下野。點知就出事啦.... (爸爸話架...媽媽同我無理佢...)

九月頭第一次收的菜心和白菜仔:



其實大過個"多多"少少咋


本來唸著間苗，我負責播種架，媽媽話間無可間，迫到蚊滋都無位飛

[ 本帖最後由 思行菜田 於 2008-11-12 13:41 編輯 ]

薯仔，媽媽在公司附近的超市用HK$4 買左袋發左芽的鬼佬薯仔，佢話D人以為佢傻架，人地買薯片佢就買D有毒薯仔。





有十幾棵西蘭花



菠蘿有兩個，Oops...見到我隻腳仔添

細香蔥


薑

芒果

粟米，每支都有兩個粟米架，我每日都要去攪下D雄花同雌花，驚著無得食。


個個盤都係圍著個花灑架。

思行妹妹, 用盆也種到栗米咁大條, 好叻呀 !    栗米收成時, 記住 POST 上黎大家睇下 !  

你個菜田好多嘢食喎 , 棵栗米唔係好高 , 但都有咁多粟米喎 !

思行妹妹,
你個菜田好有規模喎~
隻粟米係咪特別品種? 咁細棵都結到果o既~

思行妹妹
你 D 植物好健康、好靚呀叻叻

後生可畏呀

重有, 思行妹妹, 你個兩棵菠蘿也生得好好,    而我個幾棵菠蘿就吊緊條命, 死死下咁 !  

[ 本帖最後由 Donder 於 2008-11-7 15:54 編輯 ]

大家唔好笑我地啦，我地住得好高 (3X樓) ，懷疑D蟲蟲無飛得無咁高，蟲害係少D，不過D泥生左好多蚊滋，重用緊不同方法對付，好多功夫。


規模呢…因為D種子好大包，無理種兩三粒架，所以相同的都有好多棵。

粟米呢就係呢種，並不是特別種，不過我估同我種得多支有關，佢地唔夠位生根，生得唔夠高籮，不過九月尾時我地見佢地唔多長高又搖搖擺擺，就加左D泥又加肥，跟著就生得好快啦，(有D重有第三隻粟米…不過俾媽媽剪晒)。我阿媽現在最鍾意煮雞蛋，雞蛋.. 最有益…


Donder，我地D菠蘿好多蚊滋架，媽媽將佢放到老遠，唔俾咁多水佢飲。


我地一早一黃昏各灑兩分鐘水。 我地都係初初種食用植物，都係多得個灑水幫手(...同爸爸負責安裝)。

嘩, 原來是超甜栗, 正呀 !

原帖由 思行菜田 於 2008-11-7 16:15 發表
大家唔好笑我地啦，我地住得好高 (3X樓) ，懷疑D蟲蟲無飛得無咁高，蟲害係少D，不過D泥生左好多蚊滋，重用緊不同方法對付，好多功夫。


規模呢…因為D種子好大包，無理種兩三粒架，所以相同的都有好多棵。

粟米呢就係呢種，並不是 ...

你真係好叻，樣樣都種得咁靚。

羡慕死

思行妹妹:
妳有天時(無打風)
         地利 (無敵天台)
          人和(爸爸,媽媽,一家,齊齊整整)
齊心種種植植
真是羨慕死好多人呀!!!

你樣樣都種到咁靚既？
你 daddy mammy 係咪本身都識種野嫁？
一家人一齊種下野真係好開心呀！

好羨慕你有咁大地方種菜 又種得咁好

嘩! 種得好成功啵!
一家人合作梗會有好收獲嘅!

琴日講今日就post,快手wor,好掂好叻呀~~

極道同意呀，我屋企得我一個努力咋

我都係~
我屋企人只會破壞,無建設.
種盤金錢樹都要搵我救命.
金錢樹咁粗生都比佢地玩死,唔好講話棵菜啦.

思行妹妹既爸爸媽媽真係好叻啵.

思行妹妹好叻叻呀
d菜又嫩又好味