追肥要幾耐一次....同埋應該落幾多肥.....??!!!
首先講講,我用既係日本城買既 " 櫻桃蕃茄 " 種子,$8.9一包...
7月19號第1次落種子,落左4粒。本來3,4日之後已經有幼苗出黎...
點知打瀉左個盆,搵到3棵苗既屍體...因為果陣唔識點放番佢地落泥,於是諗住再落過種子就算...
7月25號第2次落種子,都係落左4粒...
7月26號就見到有1棵幼苗出左黎...初初以為1日就發芽...跟住先諗起係上次打瀉盆冇倒出黎果棵...
8月1號,第2次落既種子只係有3粒發芽...加埋總共有4棵幼苗...7月19號落種子果棵幼苗有4塊葉喇...!!!
因為要全日照既關係...我將盆車厘茄放左響窗外既花槽...點知有晚好大風..." 又 " 打瀉左我盆車厘茄...
今次仲唔知解...剩係搵得番2棵幼苗...有2棵唔見左...連我個花盆隻碟都唔見埋...-0-"
8月12號,經歷過生死關頭既2棵幼苗都幾健康咁成長...
8月16號,高左好多呀佢地...!!
8月28號,幫佢地分盆了...
分盆後,,左邊果盆落左基肥.....右邊果盆冇落基肥.....
其實幾時要開始落肥?
9月6號,明顯睇到落左基肥果棵既葉硬番,,同埋綠左好多...冇落基肥果棵就黃黃地咁...
雖然早幾日已經落左d肥響右邊果棵既泥面...但都好似冇咩幫助咁...
我係咪應該拎番佢出黎,落番基肥先....??
9月26號.....我棵車厘茄會唔會高得濟.....??? 要摘頂芽未呀....??應該摘邊個位....??
[ 本帖最後由 panda_leo 於 2008-10-1 21:13 編輯 ] |