點分千足蟲定蜈公？

尋晚，我係盆迷你玫入面發現了一條大約1cm長，疑似蜈公既生物。上黎睇，原來千足蟲（即馬陸？）同蜈公好似樣。
最衰我影唔切相。
想請教如何分辨佢地？
如果真係千足蟲，我可以唔理佢？

謝謝

蜈蚣會幫手食蟲，你怕是牠咬人啫！
但咬你不會死人的，只是傷口會好痛。
馬陸只食腐物，幫助有機物分解
你看牠行動速度基本上已可分出兩者，馬陸相對會緩慢些。
馬陸，腳數目較多，頭上觸鬚較短，身體較圓

馬陸有毒嗎

silicon 發表於 2014-5-19 11:56
蜈蚣會幫手食蟲，你怕是牠咬人啫！
但咬你不會死人的，只是傷口會好痛。
馬陸只食腐物，幫助有機物分解

哎呀，俾你講中，我真係驚佢咬我，哈哈。因為一直既印象係，佢好毒。
不過依家知道左原來佢會幫手食害蟲喎，咁好似令到佢既形象可愛d

我未識分佢快慢，圓唔圓呀
因為夜媽媽好眼訓，又突然見到佢嚇左嚇

既然兩者都冇傷大雅，咁我就由得佢lu

謝謝silicon解答呀

我天台勁多好似蜈蚣的小虫，約1.5cm一2cm長，好喜歡捲埋，但只在有泥的地方爬，是否就是馬陸呢？同事見到都整死牠，話係虫。

蜈蚣尾部有一對大觸鬚, 馬陸無.
馬陸受驚後會捲起身體, 蜈蚣唔會.
蜈蚣會捕食其他昆蟲(包括蝸牛及鼻涕蟲), 小動物(蛙, 墮地小鳥, 壁虎), 甚至食屍體.
馬陸食素.
蜈蚣會咬人, 馬陸唔會.

以上都是我常常在屋外花園看到的.

malouis 發表於 2014-5-28 23:22
蜈蚣尾部有一對大觸鬚, 馬陸無.
馬陸受驚後會捲起身體, 蜈蚣唔會.
蜈蚣會捕食其他昆蟲(包括蝸牛及鼻涕蟲),  ...

謝謝你既解答，好詳細呀！
咁諗諗下，其實佢地兩個都算係益蟲喎，可唔可咁講架？

请问師兄門這是甚麼呢？

我家中棵約一尺嘅日本紅楓都有一條深啡黑色，都唔知係蜈蚣定馬陸，嚇到我差D成棵跌落地，我即刻狂喷葯唔知殺唔殺到佢，(棵植物已隔離) 雖然無害，但家中有細路，地方又唔大，如果俾佢不停繁殖，到時係我俾人殺，以後都唔准種植！想請問淋苦錬油可以解決或預防嗎？

silicon 發表於 2014-5-19 11:56
蜈蚣會幫手食蟲，你怕是牠咬人啫！
但咬你不會死人的，只是傷口會好痛。
馬陸只食腐物，幫助有機物分解

我今朝都覺現我棵青檸有蜈公呀(應該係, 因為行點超快捉唔到佢地), 仲有一隻隻好似蝸牛但係個身係綠色個殼係尖的物體...

我有養貓, 食左蝸牛同蜈公會唔會有事架?

lola 發表於 2014-6-22 10:19
请问師兄門這是甚麼呢？

張圖吾清楚 , 似係蚰蜒 .

我公司在山邊，所以間中都會在地上見到千足蟲。你搵野撩下佢，千足蟲會捲埋變成一個迴旋形硬殼黎保護自己！

violet_bb 發表於 2014-7-12 23:50
我公司在山邊，所以間中都會在地上見到千足蟲。你搵野撩下佢，千足蟲會捲埋變成一個迴旋形硬殼黎保護自己！ ...

咦，咁我個d有可能係蜈公喎。
呢幾日我見佢係地下，紅紅地色，都幾長。
一移開個盆就見到。佢即刻呢埋去盆底。
我企圖搞下佢，佢即走，但冇捲埋喎。

仲有一個明顯分別：千足蟲d腳好密咁生係身體下面，由頂望幾乎睇唔倒；蜈蚣d腳好粗，生係身體側面ar出黎，一望就望到d腳。

violet_bb 發表於 2014-7-13 00:13
仲有一個明顯分別：千足蟲d腳好密咁生係身體下面，由頂望幾乎睇唔倒；蜈蚣d腳好粗，生係身體側面ar出黎，一 ...

咁肯定係蜈公喇。因為佢d腳伸曬出黎，方死我唔知佢有好多腳咁

Silicon 大師話佢會幫手食蟲，正！
第一次如此滿懷歡喜咁知道蜈蚓係我附近

咁千祈唔好用手搞佢，有毒的！ 至於點令佢唔再黎我就唔知。唔知有無高人指點？

唔知你果條"蜈蚣"係路過定住係盆栽泥裡面？

violet_bb 發表於 2014-7-13 00:31
唔知你果條"蜈蚣"係路過定住係盆栽泥裡面？

盆栽裡面。因為有一次淋水，佢係盆底個窿被沖出來

咁你將盆栽消毒同埋換過d泥好喎