陳振潮菜種行太過份

尋日去左深水埗陳振潮菜種行買骨肥,呢件事我覺得個老闆太過份,雖然唔關我事,但我覺得咁對人都唔岩囉。事源係當我同老闆講要一斤骨肥後,有個婆婆埋黎問老闆有無野飲買,之後個老闆大大聲問返佢:"你見唔見到我呢度有雪櫃呀?"個婆婆好軟弱聲話:"下?"之後老闆仲要大聲過第一次話:"你見唔到隔離有雪櫃咩?"(隔離係面包店,門口有個雪櫃),之後婆婆手指住面包店又係好軟弱既聲話:"哦,隔離呀?",老闆又係大大聲講:"係呀,見到隔離有雪櫃都要黎問我,我有殺蟲水,俾你都唔要啦",呢個時候個婆婆已經無理佢去左隔離間面包店,但個老闆仲要一路幫我磅骨肥一路大大聲話個婆婆,老闆鬧:"呢度都無雪櫃,又走黎問,周圍都係七十一啦,又要走黎問",連佢附近D檔主都同佢講:"你咁勞氣做乜呀?",其實當佢鬧完個婆婆我真係唔想同佢買,但佢又磅左,唔要我肯定俾佢追住黎鬧.....佢覺得佢自己咁巴閉咪唔好打開門做生意囉,個婆婆幾廿歲,人地問你有無野飲買,你答一句無咪得囉,洗唔洗鬧人呀,問佢一句野就要俾佢鬧到成條街都知,咁郵差派錯信俾佢咪要殺左個郵差?!上次係TBB電視見到訪問個老闆係有戴眼鏡既阿叔,但呢個係無戴眼鏡既阿伯,唔知有無花友去過見到呢個阿伯呢?咁樣做生意邊個敢同佢買野呀,返屋企訓覺咪無人問佢野囉。

咁惡？去見識下先！

自從上次去比個亞婆鬧完...以後都無再幫襯佢囉....

上次想去買魚藤....問左價錢，覺得貴(仲貴過花園街果個興業)，諗住唔買啦....
但問左人價唔買野又好似唔係幾好...咪選左兩包種子囉(其實...都唔係想買種籽，費事失手勢姐)

點知比亞婆係咁鬧.....結果連兩包種籽都唔買....話過以後唔幫襯...
問左價就一定要買既咩....我又唔係完全唔幫襯攪亂檔...好好醜醜都幫襯番D野咁啦...
都比佢鬧到狗血淋頭....

我懷欵佢舖頭伙食有問題...可能日日食辣椒...咁鬼好火既...

我只可以講..佢咁鬧人...遲下輪到佢七老八十佢就知~

個老闆係咁，去過間舖幾次成日都係咁

cklife 發表於 2011-7-22 17:12
自從上次去比個亞婆鬧完...以後都無再幫襯佢囉....

上次想去買魚藤....問左價錢，覺得貴(仲貴過花園街果個 ...

嘩 問價錢一定要買架拿,你話十萬係咪我都要比

cklife 發表於 2011-7-22 17:12
自從上次去比個亞婆鬧完...以後都無再幫襯佢囉....

上次想去買魚藤....問左價錢，覺得貴(仲貴過花園街果個 ...

即係佢覺得如果入左鞋店試左對鞋就一定要買咁~~~
咁做生意唔得WO

以前都去過，個伯伯同婆婆都幾火爆吓，問多兩句都容易變臉，上年買完佢一次野都已經無幫襯，去左荃灣買~~

我前2星期去左, 當時係婆婆看舖. 當時未完全拉開閘, 我問有無"依天得" 同 "綠油油", 又唔客氣行入舖中. 婆婆已經口upup 說唔知我買既係咩! 又說之前個客問幾百元野. 佢都未準個客行入舖. 我再問買種子, 佢又要求我最少買$20, 期間我又問下佢間舖既風扇/時鐘用左幾耐...傾多幾句. 佢說話已經唔同晒, 又介紹另一殺虫藥水..又說可以只買$10種子. 又說種子係靚籽...etc...
所以. 我都認同佢地的對答技巧真係有改善空間.

本來諗住去睇下,好野~~~而家唔洗去

giveupaguy 發表於 2011-7-22 17:44
我前2星期去左, 當時係婆婆看舖. 當時未完全拉開閘, 我問有無"依天得" 同 "綠油油", 又唔客氣行入舖中. 婆 ...

咁都俾你氹到佢，你都幾叻啵

我好耐之前問過蟻餌，覺得佢啲價錢我接受唔到，以後都冇走去了 (當然我响屋企附近買到要買o既嘢，呢個係主因)

上次睇完無線訪問佢，都想去的，好似好慘，呢行末落，無咩生意，聽完大家講，唔去啦！

giveupaguy 發表於 2011-7-22 17:44
我前2星期去左, 當時係婆婆看舖. 當時未完全拉開閘, 我問有無"依天得" 同 "綠油油", 又唔客氣行入舖中. 婆 ...

好鍾意你咁wor!

有次去看開鴨寮街，順便去看一看，亞伯在賣緊茶籽粉給一位婆婆，亞伯又是發勞騷。可惜他們這樣做生意。

這間鋪好有懷舊 feel, 令我想起細個時住的鋪位。本來想幫親下，但見咁樣態度，不幫親了。
生意難做，有部份是自己做成的。

去陳平記la      正當商人!

樓主所講的就是上星期日電視介紹得返廿幾種種子的老店?????
我睇果時仲覺得好可惜~~~打算搵日去買下種子架WO~~~
E家唔洗去啦

前年我老公都幫我去呢間野度買過不識布, 我老公係無脾氣既人, 好奇怪佢都返來同我講話呢間舖d人態度好差, 好似唔優做. 原來佢地態度係甘惡劣嫁!! 甘真係唔使$我都唔會去呢間舖囉! 最憎人態度惡劣, 又唔係佢殺父仇人, 唔需要甘囉!

無聊幻想: 約埋幾十人, 逐個走去問佢一次"有無野飲買"
激到佢爆血管

我幫佢買個兩次都OK.   
不過我哋由佢老豆時代幫親開

我都去過2次~2次都因為佢的態度咩都唔想買
第一次~打左電問問有無有機甜粟種子,之後先搭車過去買.買果時我講明要無染藥的有機種子
點知佢比染到紅卜卜的粟米種子我.我重申話唔要染藥.佢竟然答我無染藥香港種唔到.......(我之前都種過)之後我咩都唔買,去上水買
第二次~去開果邊打算幫人買泰國青瓜同其他種子,點知我問佢有無有機無染藥的泰國青瓜種子,佢好隨便比左包青瓜我(包裝張相明顯係其他種的青瓜)
之後我都再重申話要有機無染藥的泰國青瓜種子,佢竟然答我要泰國種就去泰國買LA.....(火都黎,即走)
唔通我買種子要去曬全世界?如果係,佢賣咩種子AR