轉貼:綠田園關於木瓜基因污染的聲明

http://www.producegreen.org.hk/seed_cont.htm
原來有機種植是要採用非基因改做的種子的,
點樣先知購入的種子是非基因改做呢?

我之前都打過電話同埋email問綠田園，因為我想租田，屋企冇位種喇。原來佢地提供埋種子、小苗、有機肥、有機農藥(佢地話一般都係趕走d蟲)同埋導師。咁都係保障返佢地既土壤同埋d農作物。
點樣先知購入的種子是非基因改做呢?我都唔知呀，但係佢地話農友想自行攜帶種子耕作的話，要佢地既農務部職員批准先可以種囉。我係英國訂左30幾隻種子，未收到，諗住下星期去參觀同埋抽田。

慘喇... 唔食有基因改造的木瓜, 同埋入侵有機農場添

據業界資料：在夏威夷（全球主要的基改木瓜生產地之一）及台灣種植的基改木瓜，它們有可能致敏 [1]、可能加速抗生素抗藥性的產生 [2] 等疑慮濾。而且它令植株更易感染其他病害，如黑輪真菌，令農民要使用更多農增加用藥 [3]。

係呀 ..有機種植除咗你種植的過程中唔落化學肥及殺蟲劑之外 , 非基因改造的種子是好緊要呀 !
我早幾年前讀營養時 , 個教授是從澳洲來港 , 她對有機種植都有D研究 , 她說在香港現時街市買到的蕃茄 , 苦瓜 , 粟米 , 好多都是基因改造 喎..... 她還說以前某D蔬菜只是冬天才有 或 夏天才有 , 但現時是一年四季都有 , 都是會同基因改造有關喎 !
但我以上所講是我上堂時教授講咋 !

都係睇完個新聞先知道種過基因改造既植物會污染土壤同埋影響以後既作物，而家都唔知係唔係屋企種野好，因為我係英國訂既種子都係講明佢地唔係基因改造，同埋係傳統品種，非雜交既，可以留種既。
我又唔知手上有既種子同埋之前種既係唔係有基因改造過，咁污染左我d新種子點算好呢。

Me too  , 有時買的種子都唔知是否 organic , 但現在都種咗囉 !

所以 " organic "咁貴就有原因囉　！　
其實唔止是蔬果類多基因改造 , 好多豆類都好多的 ! 所以我買黃豆整豆漿會買未經基因改造囉 !

要種到健康的蔬菜真的是一門超深的學問..........
我仲天真到以為自己種的,唔萵農藥就=有機......