今日嘅收穫:綠之鈴錦

今日上網睇到有師兄發帖，見到有想入手好嘅綠之鈴，於是一收工就直奔花墟，正值鵬X收舖中！

冇理班阿姐係度推貨架，一行入去就見到係薄雪萬年草旁，帶黃色疑似萬年草嘅小盆栽。佢比佢側邊嘅薄雪萬年草細，但又冇黃金萬年草咁黃，比我之前買嘅珍珠萬年草大，到底佢係因為唔夠光變黃定係另一品種？還要請教各師兄！因為我好鐘意萬年草類，所以問咗阿姐價錢就買咗啦（阿姐忙收舖，冇問名咯）

跟住再行入啲，不得了，係另一個好想買嘅品種，姬星美人！其實大家可能覺得上淘寶仲平，我之前試過，寄到落嚟香港已經咸菜，種落無論水多水少都慢慢枯死，所以見到咁健康嘅姬星美人，當然唔放過！

到呢個時候，阿姐已收剩一個貨架，我仲未揾到綠之鈴！原來收係舖嘅另一面！順帶一提，我一向習慣新買植物換泥，尤其是多肉，街買嘅多數用黑泥種，呢盆綠之鈴居然用二份珍珠岩，一份黑泥嘅介質種植，算係有心。

以上嘅我曾經諗過淘，不過遇過賣家唔肯寄萬年草，姬星美人變梅菜（唔關賣家事，始終姬星美人細粒又裸根寄出，損傷較大），能夠係花墟摸過睇過先買，雖然貴啲，但值得嘅，推動本地經濟嘛！

都幾靚呀...加油呀...種好佢

嘩,嘩,嘩！
姫星同綠之鈴,好妒忌

想問姬星美人幾錢呀？
可唔可以獨立影張相

JoanneBB 發表於 2013-12-12 23:08
想問姬星美人幾錢呀？
可唔可以獨立影張相

$28，未換盆前影嘅，呢盆介質差啲，約兩份黑泥對一份珍珠岩

心頭所好, 物有所值, 加油,

ingridhung 發表於 2013-12-12 23:14
$28，未換盆前影嘅，呢盆介質差啲，約兩份黑泥對一份珍珠岩

價錢ok喎！貨量多唔多？
佢近排真係多咗好多款肉肉
我都買咗薄雪萬年草呀，不過唔知係咪同款
我嗰盆$38

咁我嗰盆應該同你嘅一樣，只係我係大盆
因為見細盆嘅冇咁靚同葉黃，所以買咗大盆

好鍾意D綠悠悠嘅多肉，買到心頭好，真開心！

哇.今日都有去但見唔到綠之鈴啊！><姬星美人我都唸左好耐，不過見得幾條驚種死所以無買到…

姫星美人我都買左，真係好少有得賣，所以速速入左一盆

munglo 發表於 2013-12-12 23:52
哇.今日都有去但見唔到綠之鈴啊！>

係收銀櫃右邊

我應該早你一步買架, 點解你D綠之玲好似大粒過我好多

恭喜樓主喜獲心頭好

ai_amoeba 發表於 2013-12-13 22:33
恭喜樓主喜獲心頭好

多謝你提供資訊呢！

ingridhung 發表於 2013-12-13 22:36
多謝你提供資訊呢！

不同客氣R

嘩！正喎！咁呢幾日真係唔可以去花墟喇！

放在一起有點古風. 來杯功夫茶再觀賞她們另有一翻風味

安樂哂啦!買到心頭好

今日出花墟買珍珠岩，見到佢，又搬咗返屋企！
係綠之鈴錦，冇乜錦嘅，同場加映種咗個半月嘅綠之鈴！