第一次試種生菜~ 請各位多多指教

第一次試種生菜~ 在網上search如何種菜，就search到這裡! Nice to meet you all
之後一定還有好多問題要問啊~ 請各位多多指教

經過上環突然想買包種子試試種菜，就問下老闆咩最易種，佢就拎左呢包種子比我 ($20)
我問他要唔要浸水發現芽，老闆就話就咁放係泥面、落水就可以~



嘩！原來一包入面好多細細粒種子



用左個瑞士卷包裝做盆，落種子啦！



兩日後就出左好多芽仔啦~~~ 好開心!




我明天會去買多些泥和將佢地分開不同小盆~
會繼續update~

請問各位還有什麼特別要注意?
希望大家給我這位新丁多點意見! 謝謝哦~


.........................................................@16.JUL.2012 .........................................................

係垃圾房執到寶啦!

係垃圾房執到寶啦!

希望你們快高長大

@16.JUL.2012

下次d種籽吾洗落咁密架,

分盆毎棵大約離開六至8寸,最好夜晩或下雨天先分盆,

分盆後吾好曬太陽住呀,大約三日後先至好比佢地曬太陽

有無準備肥料呀,d苗出左幾槐真葉就可以加d肥比佢地,


生菜比較易種,努力加油呀

謝謝jeffreyngcm給我寶貴的意見哦！
每棵要分開6-8寸@@! 如果買盆，大概幾深比佢地好？
定我要搵定發泡膠箱????
無買肥料㖭~ 請問買乜肥料比佢地！

TWcat 發表於 2012-7-16 00:52
謝謝jeffreyngcm給我寶貴的意見哦！
每棵要分開6-8寸@@! 如果買盆，大概幾深比佢地好？
定我要搵定發泡膠箱 ...

生菜d根吾係好深,四至六吋泥左右己經可以。

如果有地方梗係用發泡膠箱啦,一箱可以種好多棵

用花盆種就最好用長方盆

加肥要稍為離開d根,以免肥料分解時產生熱力或濃度太高燒傷d根

肥料種類有好多,種葉菜主要用氮肥,

市面有粒肥,又有液肥,又有d要浸水先用得,

要注意d味道呀,有d都幾臭架,室内用就更加要留心

去菜種行睇下問下人啦

你係室內定室外種？
見個袋話係耐熱種，但近排咁熱，種室外都可能頂唔住

我放係露台架！@@!!!!! 我仲專登拎去太陽底下比佢曬下...

剛剛UPDATE左兩張相係上面~~~ 今晚會慢慢將佢地分開~~~ 希望唔好傷到佢地啦!

TWcat 發表於 2012-7-16 17:01
我放係露台架！@@!!!!! 我仲專登拎去太陽底下比佢曬下...

剛剛UPDATE左兩張相係上面~~~ 今晚會慢慢將佢 ...

謝謝 tt28 但我怕再唔分開佢地，越來越大，D根纏住晒喎！

落種子太密了，分苗好易傷到根
下次落種子唔洗一次過落咁多，一包種子可分多次播種

祝你早日大豐收, 加油.

你呢堆菜苗可以種幾塊田了...

所以我要繼續執發泡膠箱同買泥

全部種哂出黎就有排食喇 ~ 加油

那麼多, 家裏有很多人?  可能要送比不同住的家人親戚朋友了!!!

我落種時以為會好似小麥草咁..只有小部分種子會長出芽~ 咪專登落多小小試下~~~ 哈哈哈哈!!!
如果真係種到，一定分比朋友~

TWcat 發表於 2012-7-17 15:49
所以我要繼續執發泡膠箱同買泥

回覆ZOE : 唔好意思！回覆點評係咪咁架?? 我住南丫島架 ! 謝謝你先~

.........................................................@17.JUL.2012 .........................................................

開始嘗試用廚餘


買左好大包泥

榕樹灣有個廚餘回收計劃，會收咗d廚餘用部廚餘機轉做肥料，唔知有冇聽過？

有呀！不過個計劃只是給餐廳試驗~

請問你幾時播種??我都想試下種, 我睇過d時間表, 話下個月才播種會好d, 但見你種得幾好, 我又想時下!