一堆十字AV病了 - 阿米巴蟲？

近期有幾盆十字AV都慢性出事, 病徴包括其中一項或多項︰斑葉的白斑現啡點或啡班、幼葉邊現啡邊、幼葉變啡變軟、燶葉、中心葉子變凸或少許變形、莖部近泥位置現啡色.......

先後將幾棵都帶過入發場請教發叔, 佢話係"阿米巴蟲"喎, 都係摘葉, 噴洗潔精水, 嚴重的就砍頭.... 睇吓救唔救到...... 真係好心痛呀

請問大家有無聽過或出現同樣病徵? 請問點預防? 你哋會點醫法?  

me too! 日本妹葉有燶邊,靜觀其變

日本妺我第一次種

阿米巴蟲超細條..食棵植物架~~~

又學多樣野
死啦，睇睇下相好似屋企有棵都有咁既情況
等我放工返屋企噴毒藥先
寧殺錯無放過

小野貓：咁陰毒 唔得，一陣返屋企搞搞先
我定期都有用biokill,唔通biokill唔得！？
好在個日有包毒藥拎返屋企姐，等我今晚開黎用先

噴Biokill得唔得？

我有盤都係咁

其實發叔教得你咁做都唔會點錯~
發叔幾十年經驗嘛~
救倒幾多就幾多~
問清楚洗潔精 + 水既比例
祝你成功~

小野貓 發表於 2012-11-13 18:08
阿米巴蟲超細條..食棵植物架~~~

貓貓~知唔知同阿米巴變形蟲同唔同呢?

我嗰d 發病av, 橫睇掂睇左睇右睇都搵唔到有條狀既蟲, 有時真係中咗招都無咁易發現, 到病出嚟時已經第三期...  
~~真係防不勝防, 最近屋企有棵大av 葉柄變啡, 軟, 跟住中心葉仔枯萎, 最後都救唔到, 不過臨c前比我剪定兩塊葉留後代....

我唔知同唔同丫...我只係見倒超細線形既蟲匿左落個莖裡面,因為個莖斷左,我超近距離見倒有條蟲仔係咁郁先知有堆咁既野~><...發現時已經無得敎
~~呢隻蟲真難攪 =.="

ivy~點解會咁既??? 我有好年冬, 要唔要一試?

好年冬好毒架喎，屋企用好似唔係咁好
~~都係既, 為了防蟲無辦法, 我呢個懶人貪佢方便同好用, 唯有接觸完植物後洗手~

成因不明... 我盆盆都係咁處理法, 都唔知邊個位出事.....
~~以為天氣涼就可以掉以輕心, av可以安全渡夏添~

小野貓 發表於 2012-11-13 20:03
其實發叔教得你咁做都唔會點錯~
發叔幾十年經驗嘛~
救倒幾多就幾多~

我都係第一次聽哩隻蟲, 但又唔知點預防, 試過有d av一出發場幾個鐘就已經出現問題, 可能响發場有pests control, 但一出去溫度濕度一轉就中招了, 真係防不勝防!!  

尋晚屋企全部av 都噴洗潔精水, 有事就醫, 無事就防.................. 我的日本妹變咗嚴重傷殘呀, 希望救到啦~

防蟲工作真係唔懶得!!!

我都諗咗好耐我d 花花邊part出事囉, 但都係唔知... 依家一見中心點有起一點啡點我都好慌呀

死啦, 我放公司嗰d, 托賴都生得好ok, 但就未噴過洗潔精水, 依家諗緊好唔好買個大噴壺放公司, 定期都做吓pests control

linda_lam  尋晚屋企全部av 都噴洗潔精水<----噴完洗唔洗過水架?<--發叔話唔駛過水喎, 不過噴之前要做testing先....... 要開一盆洗潔精水, 再用一片葉浸入去十秒八秒, 攞番出嚟睇吓片葉面有無"嘔白泡", 如果有就係太濃了.... 之後至用哩種濃度既洗潔精水噴透全棵AV, 葉面葉底泥都噴透, 再吹番乾佢咁就得了

ivyasm 發表於 2012-11-14 12:51
linda_lam  尋晚屋企全部av 都噴洗潔精水

我試過噴洗潔水對付蟎，有效的！
每兩個月用一次當洗泥

乜亞米巴蟲唔係周圍係有咩(只係水裏), 我記得以前張國榮中過差d C, 佢事後講返好彩醫生最後認為係亞米巴蟲, 咁先醫返好冇事

alexander 發表於 2012-11-14 13:31
乜亞米巴蟲唔係周圍係有咩(只係水裏), 我記得以前張國榮中過差d C, 佢事後講返好彩醫生最後認為係亞米巴蟲, ...

我都上網查過, 亞米巴好似係變形蟲嚟, 會致病或致命的........ 不過我查唔到植物界既亞米巴蟲, 其實係咪即係"人體"嗰隻蟲??

我有幾株也是差不多病狀， 現在只能隔離觀察。

原來咁多人都中過招???  

我所有花入屋係要用上刀山落油鑊~
1) 去根待10分鐘
2) 漂白水: 洗潔精: 和暖水 1:1:70 來消毒, 浸5分鐘
3) 過清水, 印乾/風乾, 上盤

alexander 發表於 2012-11-14 17:08
我所有花入屋係要用上刀山落油鑊~
1) 去根待10分鐘
2) 漂白水: 洗潔精: 和暖水 1:1:70 來消毒, 浸5分鐘

咁不如唔好買新花啦, 係呢度羅葉仔返去種大佢重好啦

alexander  如果種的數量唔多就唔使咁搞, 但種得多的話一棵感染傳開去會好煩架
小心駛得萬年船係o岩的, 但買棵花返黎, 都唔想佢死的, 要斬頭再黎過, 好大風險的, 有無一d 係之後種唔到架, 尤其是十字花, 聽聞好貴的, 幾百蚊一棵架

ivyasm 發表於 2012-11-14 12:51
linda_lam  尋晚屋企全部av 都噴洗潔精水<----噴完洗唔洗過水架?<--發叔話唔駛過水喎, 不過噴之前要做testing先....... 要開一盆洗潔精水, 再用一片葉浸入去十秒八秒, 攞番出嚟睇吓片葉面有無"嘔白泡", 如果有就係太濃了.... 之後至用哩種濃度既洗潔精水噴透全棵AV, 葉面葉底泥都噴透, 再吹番乾佢咁就得了

咁你今次用左幾多比幾多既洗潔精噴葉呀?
其實如果d花無咩事，洗唔洗間唔中噴下防下蟲呢?
聽大家咁講好似好恐怖咁