新手種櫻桃蕃茄

屋企得個花槽仔, 之前又種乜都種唔成, 今次的起心肝買野種, 我問老板娘有乜野種完可以食, 易種又唔阻地方, 佢就俾左包"花仙子"既櫻桃蕃茄同埋紅色甜椒我!

開始種櫻桃蕃茄先, 我23/6開始種, 落左大約十粒種子, 估唔到佢發芽率咁高, 有成六粒發芽, 仲要係2-3日就發, 其中一粒成個星期先發, 頭一個星期佢地生長速度好快, 我返鋪頭問老板娘, 佢話我淋水太多所以高得快但係好瘦, 叫我淋少d, 咁之後一星期我淋少d, 6棵死了一棵, 而發最慢棵又好似就死咁, 想知老板娘教我既方法係咪o岩!!

我買既係靚土, 佢教我落花盆一半高度既泥, 之後種子放泥面就淋水, 當d苗高到花盆頂先加泥, 不過佢未高到去個頂就好似就斷咁, 所以我提早左加, 請教大家呢隻茄係點種? 同埋會生到幾高? 因為買個時佢做手形係大約30cm高, 但我返去睇包裝, 佢寫住50-70cm, 而家好驚, 咁高會唔會係花槽跌落街架?

3日就咁, 不過打斜生!


一星期就好高


兩星期, 加左少少泥, 不過好似冇咩大過!

有冇人可以話我知, 係咪正常呀??

佢地個樣似唔夠陽光追光喎，俾佢地晒多啲啦

thanks, 呢幾日都落雨, 唔敢放佢地出花槽, 只係放窗邊咋, 同埋個老板娘又話唔駛曬太陽住!

你落既泥唔夠~  佢地要陽光只好生高d.....所以你都係加返多些泥~   

好似唔夠陽光咁喎！

噢....即係個老板娘教錯我? 又話生過盆先加泥, 又話唔駛曬太陽, 咁我返去加泥同埋曬太陽, 咁幾時開始要落肥??

蕃茄都幾大棵的, 最好10-12寸,一盆一棵+陽光, 但係天氣熱就可能會生得唔靚,蕃茄怕熱

zoeyuhk 發表於 2011-7-13 15:51
蕃茄都幾大棵的, 最好10-12寸,一盆一棵+陽光, 但係天氣熱就可能會生得唔靚,蕃茄怕熱 ...

吓, 呢個盆6吋咋, 係老板娘執俾我, 仲話唔駛分盆添, 又話好細棵, 我而家有少少被騙感覺!

暫時我都係放屋內, 開住冷氣放窗邊, 等佢大d先敢放出街呀!

你等佢出左真葉先分盆會好d

minniec 發表於 2011-7-13 16:13
吓, 呢個盆6吋咋, 係老板娘執俾我, 仲話唔駛分盆添, 又話好細棵, 我而家有少少被騙感覺!  

暫時我都係 ...

我都試過，有花鋪啲人教我一盆種三棵， 點知生到啲車厘茄藍苺咁細粒，之後仲死埋．．都唔知個老板娘係咪唔識亂吹．．今次我會用個大啲嘅盆一盆一棵，希望成功! 大家一齊努力～

點樣為之真葉?? 而家有兩棵出梗第三塊葉仔, 我另外開始種甜椒, 咁我咪要買好多個盆??

唉, 我已經聽左個老板娘點落左D有機肥, 不過落左好少, 佢叫我落泥面, 有D人又話要搵泥蓋面, 真係唔知邊樣先真!

minniec 發表於 2011-7-14 00:23
點樣為之真葉?? 而家有兩棵出梗第三塊葉仔, 我另外開始種甜椒, 咁我咪要買好多個盆??

唉, 我已經聽左個老 ...

係佢啦...第三塊開始嗰d係真葉啦..出多兩塊換盆
甜椒又係唔可以用太細既盆

zoeyuhk 發表於 2011-7-14 00:38
係佢啦...第三塊開始嗰d係真葉啦..出多兩塊換盆
甜椒又係唔可以用太細既盆  ...

THANKS, 我真係超新手, 第一次種野, 可能有排煩大家!

minniec 發表於 2011-7-14 02:24
THANKS, 我真係超新手, 第一次種野, 可能有排煩大家!

我都係唔係種左好耐，都要勞煩各位師兄師姐，我地一齊努力啦!

唔怪得啦, 我都諗係咪因為日日落雨所以咁瘦!

三星期, 加滿左泥, 六棵變到得返四棵, 都出梗第三塊葉, 不過好似細過人地種個d好多!!

swaitong 發表於 2011-7-26 00:30
一個月有d慢喎,我d半個月都好大下,要換盆

係呀, 我見好多人一個月都好大!

由落種子開始計起一個月, 係咪算正常呀??

好靚仔吓喎