今天豐收呢....

星期六施過了固體肥，昨天和前天又下過了雨，今天如常去耕田，作物個子比之前大好多，數量也多呢...哈..哈...

豐收 ing  ~~~~



秋葵數目不少喔....一株收了五枝呢....



星期六看它還是BB...今天就這麽大了。









矮種四季豆，豐收呢...但虫虫也多喔...






朋友想收像小冬瓜的節瓜....所以留了一隻等它大，它卻把藤墜斷了，唯有先收了。



一個人拿這麽多瓜，由錦田跑回荃灣，是很累的喔....



所以田主叫我把枸杞收了，我就是不收....我拿不動啦....



羅勒也沒法採收了，沒時間囉...唯口等下次囉...



紫蘇也該修修葉子才會長的好，但也沒時間了。



下次過來再幫你理髮喔...乖乖的待著...



藤三七的藤又亂生了，只把頂部的隨便摘掉...其他的要等下回才弄了。

恭喜恭喜,大豐收!!!

哇, 好多收成呀, 睇見就開心

嘩！好多收成喎！秋葵因咩解究可以咁大條架！？

請問你嗰度係錦田咩地方，可唔可以去參觀架？因為我約左幾個花友去錦田玩，想揾個農莊行下，請問CK有無好介紹呢？

樣樣都咁大既，落咗咩固體肥呀

真係大豐收
樣樣都種到大大隻, 好厲害
反而近排我d青瓜花仔比以前細小咗, 但明明已經落咗肥, 唯一原因係盆種始終比唔上田種

回復 cklife 的帖子

CK, 大豐收喎!! 拿不動我可以幫忙啊!! 別忘了我住錦田啊.....

我見出面賣嘅秋葵都好細條，你呢條咁大會唔會好老？

咁大秋葵第一次見,,勁呀

妳多收成呀! 恭喜晒!

我都係錦田種菜,睇相你種的地方係咪好近音樂農庄,如果係的話,我係你附近

Karine 發表於 2011-6-8 21:33
嘩！好多收成喎！秋葵因咩解究可以咁大條架！？

請問你嗰度係錦田咩地方，可唔可以去參觀架？因為我約左幾 ...

唔知點解咁大條....大種掛....但生得好快囉...

我田係音樂農莊附近...可以帶你地去睇既...不過我星期三下午...同星期六朝早先入去喎...你地就到時間嗎?

果邊好似有個士多啤梨園...比錢就可以入去玩架喇...

呀雞老豆 發表於 2011-6-8 21:58
樣樣都咁大既，落咗咩固體肥呀

十蚊店油泊肥(花果)...花墟海鳥隣肥(花果)....花墟菜肥(葉菜用)....

金盞花 發表於 2011-6-9 00:04
真係大豐收
樣樣都種到大大隻, 好厲害
反而近排我d青瓜花仔比以前細小咗, 但明明已經落咗肥, 唯 ...

我棵青瓜都可始瓜仔細喇...田主同我講話佢差唔多架喇...D瓜只有越黎越細...所以星期六會去殺左佢...收埋最後幾隻...

chanpyhilda 發表於 2011-6-9 00:15
回復 cklife 的帖子

CK, 大豐收喎!! 拿不動我可以幫忙啊!! 別忘了我住錦田啊.....   ...

你住錦田呀....早響喔...我昨日拉車仔拉到老鼠仔都出埋黎呀...今日仲要接果堆瓜去比朋友....

果條友....成日唔落田..要我做速遞。

fnv234 發表於 2011-6-9 00:15
我見出面賣嘅秋葵都好細條，你呢條咁大會唔會好老？

我諗係種類問題....可能我種依隻係大種....果實原本比街市果D就大D....

相中最大果D切開會見到有核(但D核食落甜甜地)，但D核係軟既，我用黎做咖喱或炆...唔覺老....

我朋友用黎治糖尿....佢中意大...佢話落一條就夠...細既要落兩三條...

浸完水佢會炒黎食...佢話唔老喎....

事實採收時，按落瓜身都係淋淋地...唔硬架...D毛毛都係軟既...OK囉...

種子係田主包...我都唔知咩種...

cklife 發表於 2011-6-9 09:33
唔知點解咁大條....大種掛....但生得好快囉...

我田係音樂農莊附近...可以帶你地去睇既...不過我星期三 ...

我好有興趣去呀,這個星期六早上是否可以呢?是否在荃灣港鐵等?

cklife 發表於 2011-6-9 09:33
唔知點解咁大條....大種掛....但生得好快囉...

我田係音樂農莊附近...可以帶你地去睇既...不過我星期三 ...

我地約左今個星期六下午入去, 但會唔會打攪你呢, 如果可以自己入既, 你可以比地址同聯絡電話我地, 因為知你時間寶貴, 到時見到咪見囉, 咁得唔得呢 ?

秋葵又真係幾大條........
如果我果隻品種去到咁大條,要比羊食了.....
另四季豆係o米掂到泥同o的葉太密唔通風,好少咁多虫虫~

owlcyr 發表於 2011-6-9 09:51
秋葵又真係幾大條........
如果我果隻品種去到咁大條,要比羊食了.....
另四季豆係o米掂到泥同o的葉太密唔通 ...

四季豆呢...次採收都會剪葉架...我都剪得好狠...

之前一直都無咩虫咬...因為我次次都收乾淨...怕野虫...

但依次係我朋友話想收大條...唔比我收乾淨，個田上次收淨左D小同中型豆豆...

可能因為咁...今次就有虫喇...我特登收埋D比虫咬既放一袋...比朋友睇下...睇佢下次仲聽唔聽話...

D瓜都係...我唔中意收咁大隻..我中意收嫰既...而且...朋友成日唔落田...咁大隻...拎死我咩..