本帖最後由 lc1201 於 2021-5-7 11:33 編輯
我估有機會夜晚淋完雨,植料乾唔切再曬太陽,令到肉肉化水。
第一張圖嗰棵感覺唔太對路,可以起出來檢查係咪爛根,有爛就切晒佢。然後化咗水嘅葉最好都剪走,處理好之後唔好放入植料,等傷口風乾幾日先
唔清楚樓主你新買返屋企時有無換植料啦,趁宜家起埋另一盆出來,可以一次過搞埋。有枯嘅最好都剪走埋,唔係落雨/淋水積係度唔乾會up住
多肉植物好耐旱,多數係俾水太多而死...一星期兩次水太多啦,建議拉長比水頻率
同埋天氣開始熱,好多多肉都會休眠,休眠時一個月至個半月一次水都夠,不過當然要睇你個環境啦 |