感謝香港入境處的好服務～

話說昨日做做下野，個腦突然想起！！！　我個passport 夠期，但二月中要出外，無passport 死梗喇！　當下立即上網去入境處網check下有乜最快方法換新護照．

找左一陣，原來家下有網上申請，咁就試下啦，點知攪左一論，網上填form和upload 相都出現問題，跟住致電查詢，網站寫明網上申請服務及支援全由”電信仍４”提供．　

我預左呢個電信仍４電話支援實要等人聽，但無諗過等人接都等左半小時！！　跟住我再致電多次，同樣要等多於１５分鐘～　唉～　火急之下，找入境處電話查詢～

一輪按鍵加電話録音後，我要真人服務，所以都係預左等．

哈～　原來現在入境處查詢，好似去酒樓等位一樣，電話録音會自動告訴你排第幾，我最初係44，１分鐘後，電話録音又回覆我最新排名，39，33，如事者每分鐘覆我一次，等左五六個自動回覆，唔洗１０分鐘就有真人接聽．（咁快既～ 有點意外～）

服務員好有禮貌，佢會講佢全名，似乎好有服務保證一樣．

我問一句，佢立即俾個最快的方法我，好鬼親切，仲幫我計埋如果用某方法申請，幾月幾號就有證．連我諗唔到既問題，佢都關注到．

唔知係呢個服務員叻ｄ，還是入境處的服務質素高左，我當時問完，個心定晒．

去到入境處自助服務機，因為仲有幾分鐘收工，我仲未攪到一半，心諗死啦，阻住公務員收工，會唔會俾人小～

有個職員走過來，好有禮貌咁幫我處理埋下半part 申請程序，由於我張form係網上download，自助機唔接受，呢個職員好到拿一份正本俾我填，仲教我乜野要填，乜野唔洗填．

攪掂晒～　走得～～　　走左半小時左右，入境處致電俾我，話我張證件相唔合規格，俾機會我在限期內補回，但唔會延誤取證期．

噢～～　今次真係好好彩～～　

要好好多謝入境處職員的好服務～　　相反"電信仍４"．．．．今時今日咁既服務態度，連政府部門（至少前線服務）的服務都好過私人公司，電信仍４真係要好好檢討下～

有感謝的心真是難得,如同冬日的陽光那樣溫暖

好野就應該讚，間唔中見到正面既消息，個心都好舒服....

入境處的人的確很有禮物和和顏悅色的解答我們的問題。我都給十個讚他/她們。

政府宜家有d服務要同私人機構合作, 如"電信仍４”~~~有得選擇我都唔想選用, 總係覺得自己d"料"會過咗俾佢

贊成有讚有彈都講吓出嚟等大家知道吓~

PCCW 電訊盈科 ????!

電話叫你等己經係例牌！

兩個月前佢地個師傅甩我底，我嘈到上 customer care 咁又點？！之後連續 4 個 booking 都上唔到嚟，總之個個部門都要輪流衰一鑊！你話咁o既 service standard 可以去邊度搵？！

(係！我係特登開名鬧的，因為實在忍無可忍！)

最好既方法就係寫信俾入境處，表揚該位職員啦。

其實政府好多服務都做得好好，真係好到位。半年前我行街 "路見不平" 打去 1823，佢地幾日內就搵人砌返平啲環保磚，重打電話通知我己經做好叫我睇睇，真係又快手又有交帶！


jellyfishy  呢d情況應該向邊樹投訴呀?  發表於 5 小時前
咁 PCCW 咪 customer care 囉！就好似政府的問題，去到 1823 (行政長官辦工室) 再落返部門度，雖然有機會俾部門解畫但係都會唔想衰俾人地個部門睇吖嘛，通常都會好合作咖。但合作還合作，PCCW 啲部門的工作水平差同協調差，甩甩漏漏咁做，咪搞到我打完一次 customer care 又打一次囉~

我都試過
有次屋企wifi壞左我唔知,打左上香港寬頻到,
之後個staff搞左成2hr,
先知係我wifi問題,
我仲覺得有了了唔好意思,
但佢仲好有禮貌咁同我講多謝我嘅電話,如果仲有疑問可以再打比佢地

真係估唔到而家政府部門都有咁好的服務質素