新人開田了, 大家多多指教啊

之前做開CD ROM, 見你地咁開心我又分享少少相, 以後大家就交流下種野心得啦,
唔經唔經我已經種左一年野， 我塊田就真係麻煩多多,
夏天時啲雜草出到把把聲, 除都除唔切,啲蟻又偷曬我落既種子, 慢慢學識先培苗再落種。
到冬天啦, 啲菜又比啲雀仔食, 慢慢學識整防雀網。
種野無錯係一個好大既學問, 首先要學識整田、除草，之後係學下種或培苗，記得開始時啲植物出芽啦，我仲要問人棵種物係雜草定係農作物，好了植物開始大又要塔棚、翻下土、落肥料，有時肥落得太多又會整死啲植物。跟住係照顧佢地，好了，到最後，又要知道啲植物幾時可以收割，試過啲菜唔知道食得，最後等到佢出埋花，哈哈!稔起都覺得好笑。好啦, 分享就去到呢度先啦!=] 各位農友加油!!

我的田, 朋友唔種借比我玩下


茄子, 開始出花了


豆苗, 種定新年食. 哈哈!

+oil!  Grow also turnips.  

回復 1# 奶爸


    講得好岩呀, 種田有種田的困難, 種盆都有佢的難處, 最緊要係去克服佢, 其成功感又真係幾滿足
一齊努力啦~

係嫁, 當你發現你種既野有收成, 點難食都會食到另一番風味=]

加油呀!我的情況同你都相差冇幾,到秋天我開始翻田時,會把D雜草部份鋪底打畦,部份燒左做草木灰,一物幾用...

我都有做呀, 再加啲肥落底，perfect !!