GTR, 我想講下自己少少睇法~
其實大家種開野0既都知, 好多時係根據自己個人不同0既種植環境去種好自己0既作物. 我地如果真係設立呢類0既資料庫時, 係唔係都係以"實戰" 經驗為主呢? 因為好多時唔同環境就有唔同0既做法, 當然首要就係版友們"自己知自己事"啦~ 人人做法都會有唔同~有D版友會pro D (如試泥土酸鹼 , 乾濕度計等等) , 有D版友就中意用古法 ( 同眼睇用手摸 , 好似以前D農夫咁~)
實戰經驗 , 同書本上教學, 有可能會係2碼子0既事來 .
我覺得, 實戰同書本教學2者都係重要0既 , 響香草版呢度可以每一科出一專區 ( 講明先, 我唔知咩咩科乜乜拉丁名呢D 我中意叫薄荷唔中意叫乜乜科 , 但響教學上呢D又好似係必需要知咁, 我至提出來. ) :
1. 將書本上資料註明出處之後置頂 ( 如學名, 生長條件, 用途等等)
2. 各版友可以將其實戰經驗響下面分享 ( 如發芽,移苗等等)
此舉可以令各版友集中知道某類香草的種植方法, 條件及要留意的事項. 當自己去種0既時候, 又要根據各自不同條件而有所調節 , 唔可以一本通書睇到老.
當然, 其他如 : 唔知點解死左/ 謝左 , 請問用乜泥呢D問題/ 帖子, 可以即KILL 而唔需要問點解.
如果真係想行呢一條路, 響一開始 , 就要先申明呢類專題 / database 0既風格. 日後就要靠版友們自律喇 ~
積媽組織力唔太好, 只係識得想到一樣講一樣, 請各位見諒~ |