你試下
諗下"樹蘭"名字帶有乜意義?
佢係附生在樹上, 用氣根吸空氣+水氣, 抓住樹身吸收養份......
落左泥就同原生態相反晒......
將棵蘭清洗晒d泥去, 晾乾(遮陰地方風乾一日)
你去花墟, 買一塊樹皮, 一小包靚水苔, 一綑園藝線
樹皮用 熱水恰下, 晾乾下
水苔用清水泡透, 用手揑乾, 再過水, 用手揑乾
1. 放少少水苔上樹皮(將會放置蘭的正確位置), 放棵蘭上面, 再放一塊(用手捏實d)水苔覆蓋根系中央和邊緣位, 用線細心地綑縛好((碼實d)), 露些兒根尾
2. 再掛到遮陰地方風乾兩三日, 不見陽光,
3. 再慢慢移掛到多曬太陽的位置
4. 看天氣而淋水, 乾燥多d, 潮濕少d, 掛起的植物, 早晚噴些水大多數都ok喇 |