淘寶買的果樹苗(請幫眼)

係淘寶買o左三盆果樹苗(藍莓,提子-克瑞森無核,無花果-瑪斯義陶芬), $25+$15+$15, 運費好貴$80, 買了之後先知淘寶好多不良苗商, 唔知有冇中招. 重要係江蘇不過話自己上海. 運o左~5日.

5日前收到.
收到後, 全部用保鮮紙捲成一條, SO-CALLED藍莓還可以, 因為葉細, 枝幼, 捲成一條都OK, 不過完全有變化. 無花果就得一枝o野, 得個芽點, 而家開始發芽. 提子就o的葉捲到煙仔咁, 5日後到都係有o的"dup". 所有都只有一個魚旦大小的泥球, 乾曬的. 因為怕傷根, 所以直接連泥球入盆. 都唔知泥球中有冇根的. 除唔知種唔種得生外, 最擔心係唔係我買o既o野, 想請大家幫o下眼!



藍莓?



應該係提子, 不過唔知生唔生, 有冇根.



無花果?

棵提子dup哂頭就死咁
我前幾日晌樓下買棵提子都係$15,同你差唔多大但健康好多

我都係淘寶買過苗, 不過買果D係香港比較少見嘅...好似藍莓 , 藍玫瑰等等.....................收到嘅時候同你一樣係用保鮮紙包住就死咁 , 落返盤幾日之後都OK 番晒, 係棵玫瑰出左新葉又好快枯 , 可能因為香港難種, 其實果D 到E家都好健康 .
不過有時你都要隔下價先得, 好似提子苗咁 , 係淘寶買唔知6,7年同香港差唔多, 仲要計埋運費 , 又要博佢係真係提子

棵提子dup哂頭就死咁
我前幾日晌樓下買棵提子都係$15,同你差唔多大但健康好多 ...
kwokdicken 發表於 2010-5-9 08:39

你樓下係邊度買? 我又唔想買花墟好大盆O的, 想由細O的種起. 而且花墟全是青提一種. 想種冇核又唔可以用提子核種, 如果有人種開可以分享O的枝用來插枝就好啦(想得太多了... )

我都係淘寶買過苗, 不過買果D係香港比較少見嘅...好似藍莓 , 藍玫瑰等等.....................收到嘅時候同 ...
maggieklliu 發表於 2010-5-9 09:58

你種過藍莓? 我棵係唔係呢? 唔想種O左好耐, 先知唔係.

回復 5# boblo


    就咁睇D葉都似, 你等佢出花時就可以更加確定喇, 因為藍莓D花好細朵同埋係吊鐘咁KA ! 你可以去

http://www.hkplants.com/viewthread.php?tid=3196&extra=&highlight=%E8%97%8D%E8%8E%93&page=2

睇下D吊鐘花仔係咩樣, 不過聽講話品種唔同都可能有少少分別

呀...你可以去請教下花老師 , 佢一定知道

回復  boblo


    就咁睇D葉都似, 你等佢出花時就可以更加確定喇, 因為藍莓D花好細朵同埋係吊鐘咁KA ! 你 ...
maggieklliu 發表於 2010-5-10 01:23

就係睇過好似有o的唔同, 我o的葉細o的同有鋸齒, 出芽又係左右一對咁生...

呀...你可以去請教下花老師 , 佢一定知道
maggieklliu 發表於 2010-5-10 01:25

剛剛睇論壇不久, 誰是花老師?

回復 9# boblo


    花老師個post  -

http://www.hkplants.com/viewthread.php?tid=11235&from=recommend_f

唔係藍莓...
問過一些人, 有人話係櫻花, 桑, 桂花, 流蘇, 總之一定唔係藍莓...
對住呢盆都唔知點好...
"mug"搵盆藍莓,提子都咁難!! :....(

提子呢d大路野花墟都有啦，無必要上淘寶買，我舊年係花墟$98買左一顆三尺既提子種係天台，一年已經好大棵，兩條主枝每條都超過15尺長，而且結滿晒果，我上淘寶都係買d偏門野，例如蘋果同紅樹莓~花墟唔止青提的，我見過有巨峰，不過唔係成日有，不過貴d，要$260一棵，但就有保障d，另外提子會冬眠的，個人認為係每年11月後，買提子落晒葉果ｄ苗種生既機會率會高好多，因為提子落晒葉進入冬眠期之後，你幾個星期無水佢都唔會死，而且果農都會係呢個時間幫提子樹修枝，修到好短，到第二年開春提子就會由修枝果個尾到生新芽，而且生得好快，又會開始開花結果～～至於藍莓同紅莓，我記得舊年大約5-7月花墟有幾間都有得賣，外國入口的，每盆一呎高左右，外面有個紙盒套住，不過就要$128一棵~好貴，所以後來9月左右我上淘寶買左棵五年生既紅樹莓，翻到黎一塊葉都無，得支野，種左半年，支野仲乾埋，我仲以為佢死左，我激鬼氣仲坳斷佢枝野(我真係發脾氣坳斷佢)，當我準備放棄之際，但3月尾佢竟然係斷枝旁邊發左個新芽，到而家個芽分左三個叉，生左三枝，最長果一枝已經生到有2呎幾，後來我上網查先知紅樹莓係非常粗生，只要d根無壞就一定會發芽，而且同提子既情況一樣係落葉植物，天冷會落到光禿禿，所以種花呢ｄ野真係好講耐性的同一定要做資料搜集～

去年六月~

今年四月~

今年四月~

去年九月時影～買翻黎得支野既紅樹莓

很好的葡萄園呀! 其實上次我都係買開其他o野, 見又有提子藍莓, 一齊買, 不過運費都冇平, 可能賣家偏我, 唯有當教訓.
我棵提子, 我剪曬o的葉, 呢兩日好似有一個芽出緊, 希望ok啦. 無花果(如果係)就發緊芽, 希望同花墟o的$28盆青無花果不同品種, 如果唔係, 都有o的無謂.
不過... 又剛剛從另一個好多人推薦的賣家買了三棵不同的兔眼藍莓苗, 希望係真的. 買三種因為兔眼要異花受粉的. 花墟我就真係冇見個藍莓.

回復 11# boblo


    你棵"藍莓"點呀?確定左佢係咩未???我都有棵櫻花....好似唔係咁KA

很好的葡萄園呀! 其實上次我都係買開其他o野, 見又有提子藍莓, 一齊買, 不過運費都冇平, 可能賣家偏我, 唯 ...
boblo 發表於 2010-5-17 11:24

    我上星期一行過見到有，係太子道西，繽紛花藝廣場向火車橋方向行落3間舖，海天堂龜苓膏隔離，有得賣，聲稱係歐洲進口，有幾種，分別係提子，樹莓，籃莓，黑莓，黑醋子等等...不過籃莓賣好貴，$138一棵~

            
  ||       洗衣街             || 繽紛花藝廣場  |    繽紛       | 好達大廈   |  海天堂    || 後巷   ||           賣籃莓        |
                           
                                                          <----彌敦道 方向          太子道西                火車橋 方向--->

上google搵到啦~原來呢間叫森記園~google map 街景真係偉大

我上星期一行過見到有，係太子道西，繽紛花藝廣場向火車橋方向行落3間舖，海天堂龜苓膏隔離，有得賣 ...
bwflcsas 發表於 2010-6-11 03:52

佢一來貨我又剛剛行過, 雖然貴過本地青提好多, $98尺半高小苗, 不過靚仔好多, 忍唔到手, 我就買o左盆釀酒葡萄, 三星期了, 生長良好, 已摘心摘芽, 要攪粗佢, 希望下年結果.

回復  boblo


    你棵"藍莓"點呀?確定左佢係咩未???我都有棵櫻花....好似唔係咁KA  ...
maggieklliu 發表於 2010-5-21 12:16

因為屋企冇位, 又唔知係mug, 所以比o左有地方o既朋友.

之後終於係淘寶搵到一家賣真藍莓o既, 買o左三棵唔同種o既兔眼藍莓(熱帶種, 要異花授粉), 真o既, 有花不過乾o左, 同大量根, 連泥運, 不過其中一棵途中全棵乾曬, 不過經過幾星期後, 係根度重新發芽. 其餘兩棵也出新葉. 森記o的好似係要好凍先會結果, 香港可能唔開花.

重有一粒紅提種子發o左芽!!

佢一來貨我又剛剛行過, 雖然貴過本地青提好多, $98尺半高小苗, 不過靚仔好多, 忍唔到手, 我就買o左盆釀酒 ...
boblo 發表於 2010-6-11 09:35

    放心啦~只要係嫁接苗提子就會大得好快~實生苗就要耐好多~而且聽講實生苗好難結果~~而嫁接苗只要你適當的照料~一年會有果結