話說前幾日收到i4kai 分享俾我既九層塔種子, 於是我星期五就"啦啦淋"去種, 我之前都種過, 但係我第1次種上面係有在複土, 所以我睇唔到種子, 今次我就咁將D種子灑係泥面,跟住噴水, 跟住我發現種子發脹, 同我上次去美食展, 係某個泰國攤位買返來明X子一樣, 我起初以為i4kai, 係咪同我一樣都係係美食展買左明X子返來, 倒錯左種子俾我呢? 大家請睇圖
於是我左諗右諗, 走去拿起包明X子, 倒左1堆落去
星期一我返到公司見到, 我之前係美食展買返來既明X子, 出左成堆芽仔出來, i4kai 個D就出左幾個芽仔出來.
我依家終於知道, 所謂既屬唇形科草本植物種子就係羅勒種子, 估唔到香草種子有明目、護腎、利尿、消除便秘和強身保健的功能,並有明顯的美容減肥功效。 仲話佢富含各種礦物質、VB1、VB2、胡蘿蔔素,豐富的機酸、糖類及B族維生素等。 但係我就唔知買返來所謂屬唇形科草本植物種子有無加工過, 先賣俾我地食, 定係就咁採收完就食得, 所以大家唔好亂試. |