本帖最後由 sheungx2 於 2015-7-6 02:34 編輯
莖又軟又彎 = 光照不足
有冇哂陽光? 徒長得好好嚴重喎
呢2種植物都係非常需要全日照, 喜愛陽光既植物
(聽過唔少人, 種死茉莉就係因為唔夠光照)
而且發芽, 陽光係有好重要角色, 令枝條健康, 才可以好好支撐將來往上成長既重量
加上要用適量既肥料, 才夠營養生靚d 枝條&葉
而家你個底已經生得唔好, 就算再成長下去, 都係無用~
再種過啦~
目測
白茉莉 有黑杆病/爛根, 原因淋得太多水, 濕氣太重,不通風環境所致
洋甘菊 缺乏陽光,肥料到一定程度, 已變崎形, 基本上不能健康成長, 掉了吧
溫馨提示: 種子發芽到長大, 都係要充足陽光, 先可以健康咁成長
如果你家不是有全日照/半日照(4小時以上直接陽光)
建議不要種種子/種需要全日照的植物
可以選擇耐陰既植物 (即是散射陽光/日光就可以種到的)
供參考:
正品, 發育健康既洋甘菊形態
淘植物個人意見:
淘寶假貨太多, 特別係種子/小苗, 店家就是看準種植時間長(需要幾個月時間),
就算不對版, 都沒法退款給差評,就大條道理的賣假貨
我個人而言絕不會向不熟悉的店入手
都係向香港/內地的花友打探有信譽, 對版, 評價中不少post圖追評驗證果真是開花正貨的老店
淘寶, 就算過千好評, 都是可以刷出來
差評, 店家是有辦法跟客人溝通用錢收回的
不要光看好評, 差評才是最真實的反映 |