滿開的朱天王

朱天王又來了，真的一次開得好過一次，以住都只不過是一支花莖。今次來了三支花莖，開心死了！！
雖然每一支花莖的花數都不超過五朵，但入夜後簡直是香爆了。植株方面，也增值了不少，所以都分盆種了。（當然除了這兩盆外，還有那株之前放出來的小朱天王）

逆光

最美的一組

最多花的一組

盛放得很! 是日本風蘭嗎??

我有冇眼花?
係角落見到eq ?!

好可愛啊！ 得閑都種下

原帖由 freddywongdy 於 2008-8-22 12:23 發表
盛放得很! 是日本風蘭嗎??

沒錯，有品名的日本風蘭又名「富貴蘭」

原帖由 amzer 於 2008-8-22 12:42 發表
我有冇眼花?
係角落見到eq ?!

你冇眼花，那是我之前貼上來的eq呀～

原帖由 冷夜 於 2008-8-22 12:55 發表
好可愛啊！ 得閑都種下

種啦！好好種架～
種種下就不一定只在6至8月開花，我呢盆早幾個月前先開完一次　＾＾

洗唔洗加花肥, 佢先開花~

原帖由 chingching 於 2008-8-22 19:43 發表
洗唔洗加花肥, 佢先開花~

我其實唔係成日施肥，但通常交替用下葉肥、花肥、根肥囉

咁靚咁嬌俏的花兒，同個名「朱天王」，唔係好襯jer！

原帖由 Tobias 於 2008-8-22 18:58 發表

沒錯，有品名的日本風蘭又名「富貴蘭」

朵花拖著長長的尾巴叫什麼? 好特別呵!  

[ 本帖最後由 kwanyeehui 於 2008-8-23 11:34 編輯 ]

種得靚 好綠　花生得好優雅

原帖由 Alfphy 於 2008-8-23 11:18 發表
咁靚咁嬌俏的花兒，同個名「朱天王」，唔係好襯jer！

「朱天王」的「朱」代表紅色。
雖然這花的顏色不是真的很紅，但最初這個品種被人發現的時候，已經是當時紅花富貴蘭中最紅的了，所以就叫「朱（紅）天王」吧！

原帖由 kwanyeehui 於 2008-8-23 11:33 發表

朵花拖著長長的尾巴叫什麼? 好特別呵!  

那長尾巴叫「距」，不同品種富貴蘭的「距」也可能會有點不同。
有些品種是長距、短矩，甚至無距。
聽說那「距」是有甜味的，用作吸引昆蟲授粉。

謝謝Tobias解說.
兩盆都用上很多水苔.

原帖由 kwanyeehui 於 2008-8-23 16:43 發表
謝謝Tobias解說.
兩盆都用上很多水苔.

說起換水苔，真是龐大工程。每次捲呀捲，包呀包，包我幾個小時。水苔捲得不好就會易散，而且要壓緊水苔，所以用的水苔份量要更多，換一盆差不多要用上半包水苔。最慘是水苔易酸化，一般來說一年多就應該要換植材，但我太懶，又怕浪費水苔，往往不會換得那麼密。
如果不想包得那麼辛苦，又想節省水苔的話，可以用小瓦盆來種。可是當植株太大，小瓦盆也會容不下的。個人來說，我比較喜歡種在「樂燒盆」中（即是左邊朱天王三隻腳的黑色盆），盆底會有一個很大的排水孔，用作通風，而且用大盆有個好數是水份可以keep耐一點，不用太常澆水。

Toby你棵野好似唔夠曬
根尖夠唔夠ruby?

原帖由 Tobias 於 2008-8-23 15:21 發表

「朱天王」的「朱」代表紅色。
雖然這花的顏色不是真的很紅，但最初這個品種被人發現的時候，已經是當時紅花富貴蘭中最紅的了，所以就叫「朱（紅）天王」吧！ ...

hmmm...
日文入面朱其實係指橙色...
雖然棵花一d 橙都無

原帖由 Exodus 於 2008-8-26 13:15 發表
Toby你棵野好似唔夠曬
根尖夠唔夠ruby?

唔知夠唔夠曬呀，但係我屋企都唔會光得去邊，都冇乜直射陽光入屋，冇法啦。
根尖其實都會紅架，不過唔係時時有，呢輪開花，D根尖縮晒。
至於係唔係ruby根，我就唔係好知。D根尖o既顏色次次都唔係好一樣，有時都會紅D。
D日本網都冇寫明朱天王一定生ruby根，所以生唔到ruby根我都唔會失望o既。

乜「朱」字o係日文代表橙色架咩？我o係D中日翻譯網打「朱」字都譯到做「紅」字o既？
仲有你睇下個維基百科：http://ja.wikipedia.org/wiki/%E6%9C%B1
裏面話：色名のひとつで、帯黄赤色。赤、朱色を参照。
　　　　赤色顔料のひとつで硫化水銀。赤、辰砂を参照。

黄赤色 <=